Łukašenka zabaraniŭ Snapkovu łajacca matam na ministraŭ i bić ich pa hałavie
Pieranaznačajučy Mikałaja Snapkova na pasadu vice-premjera, Alaksandr Łukašenka raskazaŭ jamu, jak varta pracavać z «dziećmi prezidenta».
Łukašenka zabaraniŭ Snapkovu kryčać na ministraŭ. Hetuju vyklučnuju prerahatyvu jon pakinuŭ sabie.
«Kab vy nie zabyvali, što heta — «dzieci prezidenta», pryznačanyja prezidentam. Tamu bić pa hałavie ich nielha, matam łajacca na ich nielha, i navat kryčać na ich nielha. Tolki kali za miežami kabinieta, pa-mužčynsku. Voś taki padychod pavinien być», — zajaviŭ Łukašenka.
Jon adznačyŭ, što Snapkoŭ u jaho — «jak bialmo na voku», pakolki jany časta pierasiakajucca pa pracy.
«U vas paŭnamoctvy, samastojnaść vialikaja. Vas vielmi dobra charaktaryzujuć, z kim by ja nie razmaŭlaŭ. Vy za čas pracy va ŭradzie stali nu zusim inšym čałaviekam. Tamu ja vielmi spadziajusia na vas u novym starym uradzie», — adznačyŭ Łukašenka.
Łukašenka siońnia pieranazvaŭ bolšaść ministraŭ. Mikałaj Snapkoŭ zachavaŭ pasadu pieršaha vice-premjera, jašče adnym namieśnikam kiraŭnika ŭrada staŭ Uładzimir Karanik. Pry hetym chto ŭznačalić urad, pakul nieviadoma.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1717
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ17
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary