U Šviejcaryi źniščyli saŭnu praz sankcyi suprać Biełarusi
Šviejcarski telekanał RTS atrymaŭ dostup da śpisu sprečnych spraŭ, jakija Dziaržsakrataryjat pa ekanomicy Šviejcaryi (Seco) razhladaŭ u apošnija dva hady i jakija tyčacca sankcyj suprać Biełarusi i Rasii, piša Deutsche Welle.
Zdymak ilustracyjny. Fota: freepik.com
Šviejcaryja dałučyłasia da sankcyj Jeŭrasajuza ŭ sakaviku 2022 hoda. U sankcyjny śpis trapili pradmiety raskošy i pradukcyja, patencyjna prydatnaja dla vajskovaha prymianieńnia. Ale zabarona taksama tyčycca i impartu.
Tak, mytny punkt u Ženievie praduchiliŭ sprobu niezakonnaha ŭvozu saŭny, jakaja prybyła ź Biełarusi ŭ razabranym vyhladzie. Imparcior atrymaŭ štraf u 1000 šviejcarskich frankaŭ, a sama saŭna była źniščanaja.
Usiaho ź listapada 2022 hoda pa vierasień 2024 hoda Seco było razhledžana 54 spravy, źviazanaha z sankcyjami, 21 ź ich zaviaršylisia abvinavaŭčymi prysudami, pieradaje RTS.
Čytajcie taksama:
U Finlandyi pryncypova nie buduć pakazvać matč svajoj zbornaj sa zbornaj Biełarusi
Litva źbirajecca pradać z aŭkcyjonu pažarnyja mašyny i małakavozy ź Biełarusi