Litva źbirajecca pradać z aŭkcyjonu pažarnyja mašyny i małakavozy ź Biełarusi
Litva maje namier pradać z aŭkcyjonu kanfiskavanyja pažarnyja mašyny i małakavozy ź Biełarusi. Pra heta raskazała hienieralny prakuror Litvy Nida Hrunskienie. Pavodle jaje słoŭ, rašeńnie prakurora ab prodažy 17 pažarnych mašyn i 17 małakavozaŭ ŭžo pryniata.

Paviedamlajecca, što adznačanaja technika była kanfiskavanaja ŭ Kłajpiedskim porcie ŭ 2023 hodzie ŭ toj momant, kali pierahaniałasia ź Biełarusi praź litoŭskuju terytoryju. Pavodle najaŭnaj infarmacyi, 17 pažarnych mašyn jechali ŭ Zimbabve, a 17 małakavozaŭ — na Kubu.
Litva zajaviła, što pažarnyja mašyny byli kanfiskavanyja z pryčyny sankcyj u dačynieńni da Biełarusi, a taksama kampanii, jakaja ich pastaviła.
Vykanańnie rašeńnia ab prodažy ŭskładziena na mytnaje ŭpraŭleńnie. 17 małakavozaŭ majuć namier pradać na aŭkcyjonie, jaki adbudziecca 1 krasavika 2025 hoda.
Kamientary