Stała viadoma, jak zatrymali byłoha kalinoŭca Maksima Ralko

Na ANT pakazali novy siužet pra chłopca, jaki paśla zvalnieńnia z pałka žyŭ u Varšavie, a potym niečakana apynuŭsia ŭ minskim SIZA.

Maksim Ralko. U SIZA mužčyny, jak praviła, pavinny być paholenyja, nijakaj barady ci ščaciny. Skryn videa ANT

Maksim mieŭ pazyŭny Ściahanosiec (rus. Znamienosiec). U siužecie kažuć, što jon byŭ navodčykam minamiotnaha raźliku, a dahetul achoŭvaŭ skład. Raniej jaho znajomyja raskazvali «Miedyjazonie», što Maksim pryjšoŭ u Połk Kalinoŭskaha ŭ 2022 hodzie, u 21 hod, i na bajavyja nie vyjazdžaŭ. Słužyŭ u tyle: stajaŭ na varotach bazy i achoŭvaŭ składy.

U pačatku 2024-ha Ralko zvolniŭsia z pałka i viarnuŭsia ŭ Varšavu. Pačaŭ vyvučać teściravańnie ŭ IT, chadziŭ na akcyi pratestu, pracavaŭ achoŭnikam u «Biadroncy». Jon atrymaŭ status dadatkovaj abarony.

Praz paru miesiacaŭ paśla viartańnia z Ukrainy ŭ Polšču, pisała «Miedyjazona», Maksim pasvaryŭsia ź siabrami i źnik. Adnaho ź ich jon abvinavaciŭ u špijanažy.

Potym vyjšaŭ na suviaź u mai 2024 hoda. Raskazaŭ, što znachodzicca ŭ Hiermanii i vyrašyŭ tam padacca na biežanstva. Paźniej Maksim paviedamiŭ, što źbieh z łahiera dla biežancaŭ i pakinuŭ usie dakumienty, uklučajučy pašpart.

Jak vynikaje ź siužeta ANT, Maksim čamuści rašyŭ viarnucca ŭ Biełaruś. Chłopca zatrymali ŭ punkcie propusku «Brest».

Ciapier čakaje suda. Prapahandysty śćviardžajuć, što jon supracoŭničaje sa śledstvam.

Kamientary da artykuła