Rasijskija kampanii pa kibierbiaśpiecy kantralujuć užo bolš za pałovu rynku Biełarusi
Ofis u Minsku adkryła rasijskaja kampanija «Kibierpratekt» — raspracoŭščyk sistem reziervovaha kapiravańnia, abarony ad uciečki danych i infrastrukturnaha PZ. Heta pieršaje zamiežnaje pradstaŭnictva kampanii, piša Devby.io.
«Adkryćcio pradstaŭnictva ŭ Minsku adpaviadaje stratehii raźvićcia našaj kampanii i nakiravanaje na ŭmacavańnie dziełavych suviaziaŭ u halinie infarmacyjnych technałohij u miežach Sajuznaj dziaržavy», — adznačyli ŭ «Kibierpratektc». Tam dadali, što bačać vialikuju zacikaŭlenaść da technałohij, na jakich śpiecyjalizujecca kampanija, z boku biełaruskich zamoŭcaŭ i partnioraŭ.
«Kibierpratekt Bieł» uvajšoŭ u lik rezidentaŭ PVT. Klučavy kirunak pracy kampanii — raźvićcio technałohij reziervovaha kapiravańnia.
Jak adznačaje vydańnie «Biełorusy i rynok», rasijskija kampanii ŭ halinie kibierbiaśpieki ŭžo kantralujuć zvyš 50% rynku Biełarusi. Ich dola vyrasła paśla taho, jak letaś ź jaho pajšoŭ izrailski kankurent Check Point.
Check Point prysutničaŭ u Biełarusi z 2004 hoda, uvachodziŭ u PVT, paviedamlaŭ Office Life. Heta adzin z suśvietnych lidaraŭ u śfiery internet-biaśpieki, u jakoha bolš za 100 tysiač klijentaŭ. U kancy minułaha kastryčnika ŭładalniki vyrašyli likvidavać minski ofis, jaki naličvaŭ 45 supracoŭnikaŭ. Pry hetym infarmacyja pra jaho dahetul jość na sajcie kampanii.
Čytajcie taksama:
«Polšča dla chłopca — kvitok u adzin kaniec na 10+ hadoŭ». Kudy pastupajuć dzieci ajcišnikaŭ
«Zaŭsiody kuplajem dalary. My ž biełarusy». Ajcišnik raspaviadaje, jak vyhladaje jahony biudžet