Intercars budzie pradavać kvitki ź Minska ŭ Polšču za paŭcany

Aŭtobusnaja kampanija Intercars ładzić vialikuju akcyju: kvitki ź Minska ŭ Poznań i Hdańsk možna budzie kupić sa źnižkaj 50%. Akcyja dziejničaje ŭsiaho adzin dzień — 8 krasavika.

Fota ilustracyjnaje

U aŭtorak kvitki na aŭtobusnyja rejsy ź Minska ŭ Polšču i nazad možna budzie kupić u dva razy tańniej. Akcyja raspaŭsiudžvajecca na pajezdki z 10 pa 30 krasavika.

Jak piša pieravozčyk u svaim instahramie, dla ŭdziełu ŭ akcyi pry afarmleńni kvitka treba budzie ŭvieści promakod «APRIEL» — i źnižka spracuje. Dziejničać jon budzie dziejničać tolki 8 krasavika z 11:00 da 23:59.

Košt kvitkoŭ sa źnižkaj:

• Minsk — Poznań za 80 rub. zamiest 160.
• Minsk — Hdańsk za 105 rub. zamiest 210.

Raskład rejsaŭ pa akcyi:

• Minsk — Poznań: paniadziełak, čaćvier, piatnica, niadziela (adpraŭleńnie ŭ 16:00).
• Poznań — Minsk: aŭtorak, sierada, subota, niadziela (adpraŭleńnie ŭ 12:30).
• Minsk — Hdańsk: aŭtorak, piatnica (adpraŭleńnie ŭ 16:30).
• Hdańsk — Minsk: čaćvier, niadziela (adpraŭleńnie ŭ 11:25).

Rejsy Poznań — Minsk 12, 13, 15, 16, 19 i 26 krasavika ŭ akcyi nie ŭdzielničajuć.

Kvitki možna budzie kupić anłajn abo ŭ ofisie Intercars u Minsku na Babrujskaj, 26.

Kamientary da artykuła