Biełarus pieravioz tavar z Polščy ŭ Biełaruś častkami, ale heta jamu nie dapamahło
Hrodzienski pradprymalnik zavioz z Polščy bujnuju partyju kamplektujučych dla vodaačyščalnaha abstalavańnia, ahulny košt jakoj skłaŭ bolš za 200 tysiač rubloŭ. Adnak płacić mytnyja pošliny jon nie chacieŭ, tamu arhanizavaŭ cełuju schiemu, kab tavar prachodziŭ jak rečy dla asabistaha karystańnia, paviedamlaje Dziaržaŭny mytny kamitet.
Vyśvietliłasia ŭsio tady, kali ŭ mikraaŭtobusie Volkswagen, jaki jechaŭ z Bresta ŭ Hrodna, mytniki vyjavili 200 adzinak tavaru, uklučajučy kłapany, elektronnyja płaty, błoki siłkavańnia i kartrydžy dla filtraŭ, a dakumientaŭ na tavary ŭ ich uładalnika nie było.
Praź miažu tavar pieravozili častkami roznyja ludzi. Razdrabnieńnie partyi stvarała bačnaść taho, što ŭ Biełaruś uvoziacca pradmiety dla asabistych patreb.
Ciapier u dačynieńni da biełarusa raspačaty administracyjny praces, jon moža atrymać štraf da 50% ad koštu tavaru. Taksama pravodzicca dadatkovaja pravierka pa artykule KaAP ab parušeńni ŭstanoŭlenaha paradku ŭvozu, vyvazu abo tranzitu tavaraŭ, što pahražaje štrafam u pamiery da 30 bazavych vieličyń z mahčymaj kanfiskacyjaj. Da rašeńnia suda partyja kamplektujučych kanfiskavanaja.
Kamientary