13 krasavika ŭ Vilni adbudziecca biełaruski «Susiedski fest pisanak»

Hramadzianskaja inicyjatyva ŭ supracy ź Vilenskim biełaruskim muziejem imia Ivana Łuckieviča sardečna zaprašajuć 13 krasavika na «Susiedski fest pisanak». Šanujem supolnyja biełaruskija, litoŭskija, ukrainskija tradycyi, daśledujem, stvarajem, znajomimsia i z radaściu vitajem viasnu. Chedłajnier festu — Andruś Takindanh.

Arhanizatary padrychtavali šyrokuju kulturnickuju prahramu Festu:

11:00 -12:00 — adkryćcio Festu i EthnoExpert Talk

majstar-kłasy:

12:00 — 13:45 — try majstar-kłasy pa pisankach: biełaruskaja, ukrainskaja, litoŭskaja tradycyi (dla darosłych)

11:00 — 12:00 — majstar-kłas pa dekoru vielikodnaha jajka (dla dziaciej 5+)

11:00 — 12:00 — majstar-kłas «Viasnovy šalik z nabivankaj» (dla dziaciej 8+)

hulni dla dziaciej:

12:00 — 13:00 — Vielikodny pošuk jajek

13:00 — 14:00 — tradycyjnyja viasnovyja hulni ź dziećmi

etna-kancert:

14:00 — 15:30 — etna-kancert

Vystupajuć: Dorotė Girėja, vuličny teatr «VIR», amatarski chor «Navokał», hurt biełaruskich tradycyjnych śpievaŭ «Biełaruski cud», amatarski chor «PraDziva», siamiejny hurt «Śvitanak» i inšyja.

15:30 — 16:00 — majstar-kłas pa biełaruskich, ukrainskich, litoŭskich narodnych tancach.

16:00 — 16:30 — vystupaje Andrus Takindang | Andruś

16:30 — 19:00 — narodnyja tancy da ŭpadu z Klubam eŭrapiejskich sacyjalnych tancaŭ Vałoška

Vitajecca prychodzić u narodnych strojach! Ale, viadoma, možna zavitać, jak jość, hałoŭnaje — pa-susiedsku i z dobrym humoram.

Jak kažuć arhanizatary festu:

«Pierš napierš, fiestyval susiedziaŭ — miesca suviaziaŭ i ciepłyni. Tut možna padzialicca historyjami, tradycyjami, tvorčaściu, tut možna śpiavać i tančyć u kołach, jakija buduć rabicca tolki bolšymi! Zaprašajem adznačyć nadychod viasny nie asobnymi kulturami, a cełaj supolnaściu».

Sačycie za navinami festu na instahram-staronkach Centra biełaruskaj supolnaści i kultury ŭ Vilni i samoha festu.

Zapis na majstar-kłasy dla darosłych

Zapis na majstar-kłasy dla dziaciej

Vyjavy pa spasyłcy

Data: 13 krasavika, pačatak a 11— j.

Miesca: Vilenski biełaruski muziej imia Ivana Łuckieviča (Vilniaus g., 20)

Dałučajciesia da śviata žyvoj spadčyny!

Kamientary da artykuła