Śpiecsłužby źbirajuć infarmacyju pa čatach dyjaspary. Najpierš šukajuć studentaŭ
Adbyłasia novaja rassyłka pa čatach biełaruskaj dyjaspary. Voś jakija pytańni cikaviać śpiecsłužby.
Ilustracyjnaje fota
U čatach biełarusaŭ zamiežža źjavilisia dopisy pra toje, što pravodzicca niejkaje apytańnie, «važnaje dla daśledčaj raboty». Arhanizatary chočuć, kab ankietu zapoŭnili studenty. Paviedamleńni z prośbaj prajści apytańnie raspaŭsiudžvaje akaŭnt, jaki maje ID 6288192255 i imia karystalnika @linga017. Apytańnie mimikryruje pad apytańnie, jakoje ciapier pravodzić Abjadnany pierachodny kabiniet, ale ŭ im zusim inšyja pytańni.
Skrynšot z adnaho z čataŭ dyjaspary
Unutry apytańnia źbirajuć e-mail, źviestki pra ŭzrost, miesca žycharstva i rod zaniatkaŭ. Pry hetym stvaralniki prykryvajucca imiem Marharyty Vorychavaj — pradstaŭnicy Śviatłany Cichanoŭskaj pa spravach moładzi.
Skrynšoty apytańnia, jakoje prapanujuć prajści biełarusam
Vierahodna, za atakaj stajać śpiecsłužby Biełarusi. Hety ž akaŭnt užo byŭ zaŭvažany ŭ fejkavaj rassyłcy dva hady tamu. Tady administrataram prapanavali dadać fejkavaha bota prajekta «Stop Prapahanda» ŭ svaje supołki. U jakaści kantaktnaha ŭkazany fejkavy bot Kibierpartyzanaŭ.
Paviedamleńnie ad akaŭnta, jaki pravodziŭ rassyłku ciapier
Historyja źmianieńniaŭ akaŭnta taksama vyklikaje sumnievy. Akaŭnt to «Hołas KPD» (kaalicyi pratestnych dvaroŭ), to «Hołas», to «Vioła». Bolšaść supołak, u jakich jon zaŭvažany — dvaravyja i emihranckija čaty.
Historyja źmien imionaŭ akaŭnta i čaty, dzie jon pisaŭ paviedamleńni
Taksama z hetaha akaŭnta letaś rassyłali tyktok z ahitacyjaj za Łukašenku — maŭlaŭ, jon bolš za ŭsich lubić Biełaruś.
Tyktok pra Łukašenku, jaki rassyłaŭ toj ža akaŭnt
Čytajcie taksama:
«Siarhiej» nie adzin. Voś jak KDB prapanuje zarabić na sačeńni za biełaruskimi emihrantami