«Da akcyi dałučylisia tolki marhinały». Što pisaŭ u čatach paśla svajho vykryćcia kadebešnik, adkazny za biełaruskuju emihracyju
U kastryčniku 2024 hoda «Naša Niva» pisała pra supracoŭnika KDB «Siarhieja», jaki letaś vierbavaŭ ludziej zdymać Dzień Voli. My pahladzieli, dzie jon byŭ aktyŭny paśla našaj publikacyi.
«Siarhiej» (telehram-akaŭnt z ID 5988969326), supracoŭnik KDB, jaki adkazvaje za «pracu» z zamiežžam, ustupiŭ jašče ŭ dziasiatki čataŭ biełaruskaj emihracyi. Ciapier jon zaŭvažany ŭ amal 80 supołkach.
Jon aktyvizavaŭsia 12 listapada 2024 hoda. Tady Raman Pratasievič vykłaŭ fota Maryi Kaleśnikavaj padčas sustrečy z baćkam. Kadebist rasšeryŭ jaje ŭ bolš za 20 čataŭ biełaruskaha zamiežža.
10 śniežnia 2024 hoda jon ź niejkaj metaj — mahčyma, dla niejkaj apieracyi KDB, kab uvieści aktyvistaŭ u zman, mianiaŭ imia na @pobach97. Ale 24 studzienia źmianiŭ imia nazad na «Siarhiej Piatroŭ».
Nastupny raz jon aktyvizavaŭsia pad vybary Łukašenki. 24-25 studzienia 2025 hoda jon spačatku adhavorvaŭ aktyvistaŭ u emihracyi ad udziełu ŭ akcyjach suprać falsifikacyi vybaraŭ u Biełarusi dy samapraŭstva biełaruskich uładaŭ. Niekatoryja z emihrantaŭ naŭprost skidvali jamu spasyłku na minuły artykuł «Našaj Nivy» pra jaho ž.
A na nastupny dzień, 25 studzienia, «Siarhiej» raskidvaŭ pa niekalkich dziasiatkaŭ čataŭ skrynšoty z dopisu Ihara Tura pra toje, što KDB identyfikavaŭ niekalki ŭdzielnikaŭ akcyi suprać falsifikacyi vybaraŭ va Urocłavie.
Akaŭnt «Siarhieja» dahetul aktyŭny i byŭ anłajn «niadaŭna», ale ŭ čatach z taho času jon nieaktyŭny.
Darečy, viadomy pa raniejšych publikacyjach «Alex» (ciapier — Dimmi BOSS z ID 6868032872) paśla našaj apošniaj publikacyi, z 9 kastryčnika 2024 hoda, pierastaŭ być aktyŭny ŭ čatach. Ale akaŭnt nie vydalaje i praciahvaje być na im anłajn.
«Naša Niva» — bastyjon biełaruščyny
PADTRYMAĆPrakurorski načalnik aburyŭsia nieabhruntavanymi zatrymańniami biełarusaŭ8
Kamientary
Tolki :
- kali, dapuścim, jakija VOŠYnhton Post zachočuć apublikavać hety artykuł u siabie, to nie zrazumiejuć prablem z "ozorničajuŝimi" ... Usie ž ludzi svavolničajuć )
- jak by chto nie hanaryŭsia "łupleńniem trasiankaj", ale nie jość heta hut.
Niekali na majoj pracy adzin kaleha sa ździŭleńniem N-ny raz pačuŭ ad supracoŭnicy vymaŭleńnie słova guide jak "hjud" i papraviŭ: "-Nie hjud, a hajd".
Jaje adkaz ja pamiataju da hetaha času (daŭno heta było) :
- Vsio! Pozdno! Ja užie privykła i inačie nie smohu!