Aŭtaślesara ź Minska asudzili pa čatyroch palityčnych artykułach. Jamu pahražała da 6 hadoŭ kałonii
Sud nad Andrejem Urubleŭskim skončyŭsia bolš za miesiac tamu, ale jahonaje imia stała viadomaje tolki ciapier.
Andrej Urubleŭski. Fota ź jahonaj staronki ŭ Adnakłaśnikach
Andreju Urubleŭskamu 53 hady. Jon rodam z Asipovičaŭ. Andrej u apošnija hady žyŭ u Minsku i pracavaŭ aŭtaślesaram na adnym sa staličnych STA. Lubić viełaturyzm i padarožžy, a taksama aktyŭny adpačynak.
Sud nad Urubleŭskim skončyŭsia 27 lutaha 2025 hoda ŭ Minskim haradskim sudzie. Jaho abvinavačvali pa čatyroch artykułach — «abraza pradstaŭnika ŭłady» (art. 369 KK), «abraza Łukašenki» (č. 1 art. 369 KK), «udzieł u ekstremisckim farmiravańni» (č. 3 art. 361-1 KK) i «raspalvańnie varožaści» (č. 1 art. 130 KK).
Sutnaść abvinavačańniaŭ i prysud nieviadomyja, ale jamu pahražała da šaści hadoŭ kałonii.
Urubleŭskamu prysudzili turemny termin, a ciapier jašče i ŭklučyli ŭ śpis «terarystaŭ».