U Sankt-Pieciarburhu ŭ balničnaj pałacie adzin udzielnik vajny va Ukrainie stralaŭ u druhoha
34-hadovy ŭdzielnik vajny va Ukrainie, jaki lažaŭ u pieciarburhskaj Alaksandraŭskaj balnicy, atrymaŭ ranieńni prosta ŭ pałacie. U jaho stralaŭ susied, taksama ŭdzielnik toj ža samaj vajny, piša «Fontanka».
Revalvier «Buldoh». Fota ilustracyjnaje
Incydent adbyŭsia minułaj nočču. 43-hadovy vajskoviec, jaki słužyŭ u 22-j bryhadzie śpiecyjalnaha pryznačeńnia, streliŭ u inšaha ŭdzielnika zachopnickaj vajny ź sihnalnaha revalviera «Buldoh».
U vyniku paciarpieły atrymaŭ ranieńni šyi, pravaha plača i hrudnoj kletki. U ciažkim stanie jon źmieščany ŭ reanimacyju.
Strałka dastavili ŭ adździeł palicyi. U jaho kanfiskavali puskavuju pryładu, jakaja svabodna pradajecca na markietpłejsach, 96 budaŭničych patronaŭ i 98 humovych šarykaŭ.
Paźniej vyjaviłasia, što abodva vajskoŭcy byli pjanyja i pierad incydentam vypivali razam.
Čytajcie taksama:
Były ŭdzielnik vajny z Ukrainaj zhvałciŭ i zabiŭ siamikłaśnicu ŭ Ćviarskoj vobłaści
U Rasii ŭdzielnik vajny zarezaŭ sabutelnika sa słovami «Nie słužyŭ — nie mužyk»
Jak rasijskija vajskoŭcy pierastralali adzin adnaho — dramatyčnaja historyja z-pad Łuhanska