«Ja vielmi stamiŭsia». U Rasii vajskoviec z Buracii ŭciok z čaści, kab pabačyć svajakoŭ, i zabiŭ siabie
33-hadovy vajskoviec pajšoŭ u samavołku i ździejśniŭ samahubstva.
Fota: «Baza»
Uładzimir uciok z čaści, kab pabačyć svajakoŭ na Novy hod, a paśla sustrečy skončyŭ žyćcio samahubstvam.
Cieła 33-hadovaha vajskoŭca znajšli ŭ siencach chaty jahonaj ciotki ŭ siale Tunka ŭ Buracii. Mužčyna pakinuŭ pieradśmiarotnuju zapisku, piša «Baza».
«Usim pryvitańnie, Dzimon, Maks, Ihar, dzieci. Maje darahija, prabačcie mianie za taki słaby ŭčynak, ja vielmi stamiŭsia, ja bolš nie zmahu trymać usio ŭ sabie. Išoŭ u samavołku, tamu što chacieŭ pabačyć vas. Byvajcie, nie łajcie mianie i nie asudžajcie», — havorycca ŭ zapiscy.
Uładzimir pakinuŭ svaju tankavuju bryhadu kala tydnia tamu, jaho šukali za samavolnaje pakidańnie čaści. U mužčyny zastalisia dvoje dziaciej.
«Chachły, kožnamu budu horła rezać!» Jak kantraktnik Tolik 24 dni byŭ vajennym błohieram — pakul nie zahinuŭ na pieršym ža zadańni
Rasijski baćka pajšoŭ vajavać va Ukrainu paśla hibieli tam syna, ale pieršym pachavali jaho samoha
«Dzie maral?» Rasijski vajskoviec viarnuŭsia ŭ rodnuju Buraciju, a jaho dom razrabavali. Skrali navat unitaz
Kamientary