Duda: Tramp — heta najlepšy šaniec na mir va Ukrainie
Polski prezident upeŭnieny, što Tramp viedaje, jak baluča ŭdaryć pa Pucinu.
Prezident Polščy Andžej Duda zajaviŭ, što amierykanski lidar Donald Tramp maje najlepšyja šancy spynić vajnu va Ukrainie. Pry hetym jon padkreśliŭ, što luby mir pavinien być «spraviadlivym i tryvałym».
Jak zajaviŭ Duda ŭ intervju Sky News, šaniec na mir dla Ukrainy źviazany z Trampam. Jon upeŭnieny, što amierykanski prezident maje ŭjaŭleńnie pra rasijskaha lidara, piša UNIAN.
Polski prezident nahadaŭ, što padčas pieršaha prezidenckaha terminu Tramp udaryŭ pa «Paŭnočnym patoku-2» i enierhietyčnych ambicyjach Pucina. Duda pierakanany, što hetaha dastatkova, kab dakazać: Tramp viedaje, kudy bić, kab było baluča.
«Kali chtości i moža prymusić Rasiju spynić vajnu, dyk, chutčej za ŭsio, heta tolki prezident Złučanych Štataŭ. Pytańnie ŭ tym, ci budzie jon dastatkova rašučy, kab heta zrabić — bo dla Jeŭropy, jakaja źjaŭlajecca susiedam Rasii, što ździajśniaje ahresiju suprać Ukrainy, taksama vielmi važna, kab mir byŭ spraviadlivym i tryvałym», — padkreśliŭ Duda.
Čytajcie taksama:
Rasii pahražajuć novyja sankcyi, kali nie budzie pahadnieńnia ab pieramirji da kanca krasavika
Pradstaŭnik Trampa: Ukrainu možna padzialić, jak paślavajenny Bierlin u miežach mirnaha pahadnieńnia
Tramp rasčaravany svaimi daradcami z-za vynikaŭ uviadzieńnia pošlin