Rasii pahražajuć novyja sankcyi, kali nie budzie pahadnieńnia ab pieramirji da kanca krasavika
Śpiecyjalny dypłamatyčny pasłańnik Trampa Styŭ Uitkaf naviedaŭ Rasiju i sustreŭsia z prezidentam Uładzimiram Pucinym u piatnicu, piša Axios.
Napiaredadni sustrečy Uitkafa z Pucinym, Tramp napisaŭ u svajoj sacsietcy Truth Social: «Rasija pavinna pačać dziejničać. Zanadta šmat ludziej HINIE — tysiačy štotydzień — u žudasnaj i biessensoŭnaj vajnie. Vajnie, jakoj nikoli nie pavinna było być i jakoj nie było b, kali b ja byŭ prezidentam!!!»
Tramp vykazaŭ niezadavolenaść tym, što pieramovy za apošnija tydni nie prynieśli značnaha prahresu, i ŭ niejki momant zajaviŭ, što jon «razzłavany» vykazvańniami Pucina pra Ukrainu.
Kali da kanca miesiaca nie budzie dasiahnuta pieramirja, Tramp moža ŭvieści dadatkovyja sankcyi suprać Rasii albo praz vykanaŭčyja paŭnamoctvy, albo źviarnuŭšysia da Kanhresa z prośbaj pryniać novy sankcyjny zakon, paviedamiła krynica, znajomaja ź situacyjaj, piša Axios.
«My daviedajemsia davoli chutka — na praciahu niekalkich tydniaŭ, a nie miesiacaŭ — ci surjozna Rasija stavicca da miru. Spadziajusia, što tak», — skazaŭ Dziaržsakratar Marka Rubia na minułym tydni na palach samitu NATA ŭ Brusieli.
Na minułym tydni Uitkaf prymaŭ Dźmitryjeva ŭ Vašynhtonie ŭ sprobie zrušyć pieramovy ź miortvaj kropki.
U toj čas jak Ukraina pahadziłasia z prapanovaj Trampa ab biezumoŭnym pieramirji i ŭśled za hetym — z płanami pa marskim pieramirji mienšaha maštabu, Rasija vyłučyła šerah novych patrabavańniaŭ, u tym liku — źniaćcie častki amierykanskich sankcyj.
«My ruchajemsia napierad. Spadziajemsia, što my ŭžo adnosna blizka da damovy pamiž Rasijaj i Ukrainaj ab spynieńni bajavych dziejańniaŭ», — zajaviŭ Tramp u čaćvier padčas pasiadžeńnia Kabinieta.
Ciapier čytajuć
Stryžak: Ja prosta haŭno, ja lažu na dnie samaj brudnaj kanavy i adtul sprabuju niešta skazać u svaju abaronu47
Kamientary
Ale na heta Tramp pa viadomych pryčynach nie pojdzie