Dzie ŭ Biełarusi mohuć pabudavać novuju AES?
Razhladajucca dva miescy dla budaŭnictva druhoj AES u Biełarusi — dadatkovy błok BiełAES u Astraŭcy i novaja AES u Mahiloŭskaj vobłaści.
«Ciapier razhladajucca varyjanty budaŭnictva ŭ Biełarusi albo dadatkovaha, treciaha, enierhabłoka ŭžo dziejnaj BiełAES u Astraŭcy, albo novaj dvuchbłočnaj AES u Mahiloŭskaj vobłaści»,
— paviedamiŭ RIA Naviny dyrektar Druhoha departamienta krain SND MZS Rasii Alaksiej Pališčuk.
Pališčuk dadaŭ, što biełaruskija partniory zacikaŭlenyja ŭ praciahu supracoŭnictva z Rasijaj u śfiery atamnaj enierhietyki.
Pa jaho słovach, praca pa technika-ekanamičnym abhruntavańni budaŭnictva druhoj AES u Biełarusi pavinna być zavieršana da siaredziny hoda. Dla abmierkavańnia techničnych i finansavych umoŭ hetaha prajekta Biełaruś i Rasija sfarmavali ekśpiertnuju rabočuju hrupu, jakaja ŭžo praviała niekalki sustreč. Na sustrečach razhladali takija pytańni: łakacyja budučaj stancyi, cana, typ reaktaraŭ, terminy budaŭnictva.
«Hetyja pytańni abmiarkoŭvajucca i ŭ inšych farmatach, uklučajučy rehularnyja sustrečy kiraŭnictva dziaržkarparacyi «Rasatam» i ŭrada Biełarusi», — dadaŭ Pališčuk.