Małady kuchar padzialiŭsia receptami toj samaj tvarožnaj zapiakanki i amletu ź dziciačaha sadka — u tyktoku puskajuć ślinki

Biełarus, jaki adpracoŭvaje raźmierkavańnie kucharam u dziciačym sadku, padzialiŭsia receptami viečnych chitoŭ rodam ź dziacinstva — tvarožnaj zapiakanki i amletu, ci, jak jaje nazyvaje chłopiec, dračony.

Kab pryhatavać na śniadańnie tvarožnuju zapiakanku, zavaryć čaj z cukram i parezać chleb, chłopiec pačynaje pracoŭnuju źmienu a šostaj ranicy.

Inhredyjenty na porcyju zapiakanki

Spačatku kuchar złučaje ŭsie suchija inhredyjenty — manku, sol i cukar, — paśla ŭbivaje tudy jajki i, narešcie, zamiešvaje z tvarahom. «Vielmi manatonnaja praca», — kamientuje chłopiec.

Pierš čym vykłaści tvarožnuju masu na blachu, kuchar, akramia zmazki alejem, pasypaje jaje sucharami.

«Paśla biarom špatal i pracujem tynkoŭščykam ci malarom», — mienavita z budaŭničym pracesam paraŭnoŭvaje tyktokier vyraŭnavańnie tvarožnaj masy da ŭzroŭniu «hlancavaj pavierchni» pierad adpraŭkaj u duchoŭku na 20-30 chvilin pry tempieratury 180-200 hradusaŭ.

@nevpovar Utro v sadikie + rieciepty zapiekanki iz dietstva #povar #kulinarija #sadik #obŝiepit #rieciepty ♬ Elegant and gentle, Boccellini's Menuet - Kohrogi

Skarynačku zapiakanki rekamiendavana zmazać śmiatanaj i pasypać źvierchu cukram i paśla hetaha adpravić jašče na chvilin dziesiać u duchoŭku. «Heta nieabaviazkova, heta maja interpretacyja», — kamientuje kuchar.

Voś takaja zapiakanka atrymałasia ŭ chłopca.

U nastupnym roliku kuchar padrabiazna padzialiŭsia ŭsimi etapami hatavańnia pyšnaha amletu:

@nevpovar Utro v sadu, + rieciept "Dračieny" DRAČIENA (na 1 porciju) Jajca kurinyje -1 št Mołoko -13 mł Śmietana - 5h Masło rastitielnoje -2.5h Muka pšieničnaja - Zh Sol #diedskijsad #dietsad #dietskijsad #sadik #obŝiepit #povar #rieciepty #kulinarija #hotovka #otrabotka ♬ Walking Around - Eldar Kedem

U kamientarach mnohija dziakavali chłopcu za padrabiaznyja recepty, jakija ciapier zmohuć paŭtaryć doma. «Źjeŭ by heta ŭsio solna!», «Jakoje smakoćcie!», — nie chavali zachapleńnia i nastalhičnych pačućciaŭ niekatoryja. Znajšlisia i tyja, chto ŭžo nie moža dačakacca instrukcyi dla toj samaj kakavy ź pienkaj.

Častka ludziej asobna adznačyła, što, na žal, praca kucharaŭ u sadkach ciažkaja fizična, ale pry hetym małaapłatnaja (na partale rabota.by kucharam biez dośviedu ŭ siarednim prapanoŭvajuć tysiaču rubloŭ za miesiac na ruki, pryčym u stalicy, u rehijonach jašče mienš. — NN). Sam aŭtar videa pryznaŭsia, što ź nieciarpieńniem čakaje apošniaha dnia adpracoŭki. Pakul ža sprabuje siabie ŭ roli błohiera-pačatkoŭca.

Start vyjšaŭ dobry — pieršyja recepty nabrali ŭ tyktoku bolš za miljon prahladaŭ kožny.

Kamientary da artykuła