Były hienprakuror Kaniuk bolš nie pasoł u Armienii

Łukašenka 17 krasavika padpisaŭ ukaz, pavodle jakoha Alaksandr Kaniuk vyzvaleny ad pasady Nadzvyčajnaha i Paŭnamocnaha Pasła Biełarusi ŭ Armienii. 

Alaksandr Kaniuk padčas vykanańnia abaviazkaŭ pasła ŭ Armienii. Fota: mfa.gov.by

Pasłom u Armienii Alaksandr Kaniuk staŭ vosieńniu 2020 hoda. Pierad tym jon z 20 vieraśnia 2011-ha pa 9 vieraśnia 2020 hoda byŭ hienieralnym prakuroram Biełarusi. Źniaty sa svajoj vysokaj pasady jon byŭ praź miesiac paśla pačatku maštabnych pratestaŭ u Biełarusi paśla sfalsifikavanych prezidenckich vybaraŭ. Vidać, u tych umovach jon nie apraŭdaŭ uskładzienych na jaho čakańniaŭ, choć pramoj bačnaj zboku niełajalnaści nie prajaŭlaŭ. Na miesca Kaniuka hienprakuroram byŭ pryznačany Andrej Švied, jaki trymaje hetuju pasadu dahetul.

Ci atrymaje Alaksandr Kaniuk novuju pasadu, pakul nie paviedamlajecca. Pakolki jamu ŭžo 64 hady, to moža być adpraŭleny i na piensiju.

Akramia Alaksandra Kaniuka, Łukašenka vyzvaliŭ ad pasady jašče adnaho dypłamata — užo byłoha Nadzvyčajnaha i Paŭnamocnaha Pasła Biełarusi ŭ Nihieryi i pa sumiaščalnictvie ŭ Hanie, Kamierunie i Kot-Djivuary Viačasłava Bryla.

Kamientary da artykuła