Bramnika «Dynama», jakomu kidaŭ šajby Łukašenka, nie puścili na lod «praz parušeńnie režymu»
Bramnik chakiejnaha «Dynama-Minsk» Vasil Dziemčanka nie hulaŭ na sustrečy z čalabinskim «Traktaram».
Łukašenka razmaŭlaje ź Dziemčankam paśla treniroŭki, 9 krasavika 2025 hoda. Skryn videa «Puł pieršaha»
«Kažuć, što Vasil Dziemčanka nie hulaŭ siońnia ŭ bramie praz parušeńnie režymu. Uviečary paśla adboju biez dazvołu adpraviŭsia dadomu pavinšavać baćku z 70-hodździem, što stała viadoma trenierskamu štabu», — napisała žurnalistka Alesia Usava.
Dziemčanka rodam z Čalabinska.
Zamiest jaho ŭ startavym składzie vyjšaŭ Andrej Cichamiraŭ. «Dynama» ŭ toj hulni sastupiła «Traktaru» 1:3. Minskaja kamanda vylacieła z płej-of KCHŁ.
Kali 9 krasavika Łukašenka pryjazdžaŭ na treniroŭku kłuba «Dynama-Minsk» na «Minsk-Arenu», to tam jamu zładzili pakazalnuju duel ź Dziemčankam. Bramnik prapuściŭ niekalki šajb.