Minskaje «Dynama» prajhrała čalabinskamu «Traktaru» i vylacieła z płej-of KCHŁ
U niadzielu, 20 krasavika, chakiejnaje minskaje «Dynama» sastupiła čalabinskamu «Traktaru» ŭ piatym pajadynku druhoha raŭnda płej-of Kubka Haharyna.
U vyniku ź likam u sieryi 4:1 u paŭfinał Kantynientalnaj chakiejnaj lihi vychodzić rasijskaja kamanda, a minčuki zaviaršajuć baraćbu za trafiej, piša Office Life.
Sioleta «Dynama» ŭpieršyniu ŭ historyi vyjšła ŭ druhi raŭnd płej-of Kantynientalnaj chakiejnaj lihi. U pieršym raŭndzie biełaruskaja kamanda pieramahła maskoŭski CSKA — sieryja zaviaršyłasia ź likam 4:2 na karyść minčukoŭ.
Druhi raŭnd, jon ža čverćfinał kubka, składvaŭsia niaprosta. Pieršyja dva matčy na vyjeździe minskaja kamanda prajhrała litaralna na apošnich chvilinach ź likam 2:4 i 2:3.
Treciaja sustreča ŭ kompleksie «Minsk-Arena» zaviaršyłasia na karyść «Dynama» — 8:0. Ale praź dzień kamanda znoŭ sastupiła ź likam 2:3.
U piatym matčy, jaki prajšoŭ u Čalabinsku, dva pieršyja pieryjady akazalisia biez hałoŭ. U trecim «Traktar» zakinuŭ dźvie šajby, paśla čaho minčuki paśpieli adyhrać adnu. Ale za 10 siekund da kanca matču rasijskaja kamanda zakinuła šajbu ŭ pustuju bramu «Dynama». U vyniku hulnia zaviaršyłasia ź likam 3:1 na karyść kamandy z Čalabinska. Vynikovy lik u sieryi — 4:1 na karyść «Traktara».
%MCEPASTEBIN%
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary