66-hadovaha piedahoha sa Stolinskaha rajona abvieścili «terarystam»
Viktara Kucharčuka, jaki ŭsio žyćcio adpracavaŭ u sistemie adukacyi, asudzili za krytyku rasijskaj ahresii.
Viktar Kucharčuk. Fota ź jahonaj staronki ŭ Adnakłaśnikach
Viktaru Kucharčuku 66 hadoŭ. Jon vučyŭsia ŭ Ladzieckaj škole ŭ Stolinskim rajonie, a paśla na histaryčnym fakultecie adnaho z univiersitetaŭ. Usio žyćcio pracuje ŭ śfiery adukacyi.
Žyvie Kucharčuk u vioscy Vialikija Arły taho ž Ladzieckaha sielsavieta. Pracavaŭ u Arłoŭskaj siaredniaj škole, administravaŭ sajt škoły.
Piedahoha asudzili ŭ Bresckim abłasnym sudzie za «raspalvańnie varožaści» — za kamientary z rezkaj krytykaj rasijskaj ahresii va Ukrainie. U telehramie jon byŭ padpisany ŭłasnym imieniem.
Niama peŭnaści, ci Kucharčuka trymali ŭ SIZA da suda. Nieviadomy i prysud. Adnak u śpisie «ekstremistaŭ» piedahoh paznačany jak čałaviek ź niepahašanaj sudzimaściu. Zvyčajna tak paznačajuć ludziej, jakim prysudzili chatniuju chimiju.
A siońnia imia Viktara Kucharčuka źjaviłasia i ŭ śpisie «terarystaŭ», jaki viadzie KDB.
Čytajcie taksama:
Za danaty asudzili dvuch žycharoŭ Viciebskaj vobłaści
Palitźniavolenaj Alenie Łazarčyk dadali paŭtara hoda kałonii
Paśla 5 hadoŭ źniavoleńnia vyjšaŭ na svabodu palitviazień Pavieł Juchnievič