Pra vyniasieńnie abvinavaŭčych prysudaŭ dvum raniej nieviadomym pravaabaroncam ludziam piša «Viciebskaja viasna».
Anžalika Kucharenka
57-hadovuju žycharku Navapołacka Anžaliku Kucharenku asudzili za danaty da «chatniaj chimii». Jaje imia 18 krasavika źjaviłasia ŭ abnoŭlenym pieraliku asobaŭ, «datyčnych da ekstremisckaj dziejnaści». U hetym śpisie na sajcie MUS paznačana, što žančynu asudzili ŭ Viciebskim abłasnym sudzie pavodle č. 1 i 2 art. 361-2 KK (Finansavańnie ekstremisckaj dziejnaści). Paznačana taksama, što «sudzimaść nie pahašanaja».
Aprača Anžaliki Kucharenki, z hetaha samaha śpisu pravaabaroncam stała viadoma taksama imia 49-hadovaha žychara Viciebska Siarhieja Saŭčanki, jaki taksama asudžany za danaty. Na sajcie MUS paznačana, što jon asudžany Viciebskim abłasnym sudom pavodle č. 1 art. 361-2 KK (Finansavańnie ekstremisckaj dziejnaści), a taksama pavodle č. 1 art. 361-4 KK (Sadziejańnie ekstremisckaj dziejnaści).
Mužčynu pakarali pazbaŭleńniem voli (termin udakładniajecca). U «ekstremisckim» pieraliku paznačana, što jon užo «adbyvaje pakarańnie».
Kamientary