«Centr Maskvy staŭ vajennaj cellu». Rasijskaje dziaržaŭnaje ŚMI raskazała, jak apieratar drona atakuje Ukrainu z «Maskva-Sici»
Paśla abureńnia Z-błohieraŭ dziaržaŭnaje ahienctva vydaliła i videa, i artykuł.
Rasijskaje dziaržaŭnaje ahienctva «RIA Novosti» raptoŭna apublikavała raskaz pra toje, jak apieratar FPV-drona «Ovod» pracuje pa celach va Ukrainie prosta z ofisa ŭ chmaračosie ŭ «Maskva-Sici».
U videa, apublikavanym u telehram-kanale ahienctva, mužčyna ŭ kurtcy z našyŭkaj u vyhladzie čerapa i kościej raskazaŭ, što trapiŭ u cel USU pad horadam Časaŭ Jar u Danieckaj vobłaści. Jon nibyta kiravaŭ bieśpiłotnikam z dapamohaj novaj sistemy «Arbita» z apartamientaŭ u centry Maskvy.
Apieratar drona raskazvaŭ pra vyniki ŭdaru ŭ pamiaškańni, z akna jakoha vidać šmatpaviarchoŭki «Maskva-Sici».
«My znachodzimsia ad miesca padziej bolš čym za tysiaču kiłamietraŭ. Prymianieńnie prajšło paśpiachova», — zajaŭlaŭ jon.
Publikacyju pačali aktyŭna krytykavać rasijskija pravajennyja błohiery, zaŭvažyła «Mieduza».
«Ja pravilna zrazumieŭ, što paśla hetaha videa ŭ vypadku dalotu BPŁA-kamikadze pa šmatpaviarchoŭkach u Maskvie — praciŭnik budzie zajaŭlać, što biŭ pa apieratarach BPŁA?» — napisaŭ kanał Romanov Łajt.
«Voś tak Maskva-Sici raptam staŭ zakonnaj vajennaj cellu. Małajcy, pachvalilisia», — adznačyŭ kanał «Impierija očień zła».
Nieŭzabavie paśla hetaha z publikacyi «RIA Novosti» źnikła zhadka pra «Maskva-Sici», a paśla dziaržahienctva naohuł vydaliła videa. Ciapier niedastupnaja i navina na sajcie «RIA Novosti».
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier55
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier5
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary