Byłuju žonku palitviaźnia, jakaja śpiavaje pieśni Hanny Siałuk, ušanavali na «Pieśni hoda»
Siońnia ŭ minskim Pałacy sportu pravodzicca fiestyval «Pieśnia hoda Biełaruś 2024». Na takich mierapryjemstvaŭ apošnija hady redka abychodzicca biez ušanavańnia praŭładnych artystaŭ, jakija supracoŭničajuć ź niaviestkaj Łukašenki, paetkaj-piesieńnicaj Hannaj Siałuk.
Hanna Błahava atrymlivaje ŭznaharodu. Fota: ANT
Voś i hetym razam u naminacyi «Vykanaŭca hoda (žanočy vakał)» pieramožcaj abviaścili lejtenanta milicyi Hannu Błahavu.
Jaje ciapier časta kruciać pa BT i zakazvajuć na asabliva važnyja ideałahičnyja mierapryjemstvy. Z 2020 hoda jana stała vykonvać pieśni Hanny Siałuk-Łukašenki, i tady ŭznaharody na jaje pasypalisia jak z roha bahaćcia.
Raniej Hanna Błahava była žonkaj uładalnika ivent-ahienctva Siarhieja Hunia, jaki ŭ 2020-m adkryta vystupiŭ za pieramieny ŭ krainiei byŭ asudžany na 2,5 hoda kałonii pa artykule 130 č. 1 KK (naŭmysnyja dziejańni, nakiravanyja na ŭzbudžeńnie rasavaj, nacyjanalnaj, relihijnaj albo inšaj sacyjalnaj varožaści abo varožaści pa prykmiecie rasavaj, nacyjanalnaj, relihijnaj, moŭnaj ci inšaj sacyjalnaj prynaležnaści).
Anałahičnuju ŭznaharodu siarod mužčyn — «Vykanaŭca hoda (mužčynski vakał)» — sioleta ŭručyli viadomamu śpievaku Rusłanu Alachno, jaki taksama nieadnarazova demanstravaŭ praŭładnuju pazicyju, a taksama adkryta i paśladoŭna padtrymlivaje rasijskuju ahresiju va Ukrainie.
Rusłan Alachno atrymlivaje ŭznaharodu. Fota: ANT
Uznaharodu ŭ naminacyi «Najlepšy muzyčny videaklip» dali Alonie Łanskoj.
Alona Łanskaja atrymlivaje ŭznaharodu. Fota: ANT
Čytajcie taksama:
Milicyjantka, jakaja vykonvaje pieśni niaviestki Łukašenki, — byłaja žonka palitviaźnia