Hramadstva7070

Apublikavali razmovy žonki Bałaby, u jakich jana sprabuje schavać ad muža troch kachankaŭ, u tym liku Rusłana Alachno

«Kibierpartyzany» apublikavali źlivy niekalkich telefonnych razmoŭ Volhi Syščanka, žonki kamandzira minskaha AMAPa Dźmitryja Bałaby. Jana — byłaja administratarka amapaŭskaha telehram-kanała i arhanizatarka aŭtaprabiehaŭ za Łukašenku ŭ 2020 hodzie.

Volha Syščanka i Dźmitryj Bałaba. Skrynšot ź videa

U aŭdyjazapisach Volha razmaŭlaje sa svaimi dvuma kachankami, a taksama ź siabroŭkaj, udzielnicaj tych aŭtaprabiehaŭ Alinaj Huk. Padčas hetych razmoŭ uspłyvajuć padrabiaznaści burlivaha asabistaha žyćcia žančyny, jakija jana choča zachavać u tajamnicy ad Dźmitryja Bałaby.

Aŭdyjazapisy datujucca sakavikom 2021 hoda, Syščanka praviała try razmovy na kazytlivyja intymnyja temy 22, 24 i 25 sakavika.

Dva surazmoŭcy-mužčyny Volhi Syščanki — supracoŭnik słužby biaśpieki Biełaruskaha dziaržaŭnaha ekanamičnaha ŭniviersiteta Maksim Kryvapusk i kamandzir hrupy AMAPa Juryj Karalkoŭ.

Z abodvuma mužčynami Syščanka była ŭ rozny čas u adnosinach i padčas razmoŭ jany abmiarkoŭvajuć, jak heta schavać ad Bałaby ci prynamsi apraŭdacca za toje, što toj užo viedaje.

Z Maksimam Kryvapuskam žančyna jeździła ŭ niejkuju pajezdku ŭ Brest, a ŭ ruki Bałaby trapili foty adtul. Syščanka damaŭlajecca z paluboŭnikam, što treba ŭsio admaŭlać, na što toj rezonna zaŭvažaje, što

«kali tvaja siabroŭka pratryndzicca, što z nami načavała, to našy ŭsie z taboj raskazy — heta ŭsio lepiet halimy».

Tamu jon ličyć, što treba prydumać niejkuju miakkuju biaskryŭdnuju historyju, u toj čas jak žonka Bałaby ŭpeŭnienaja, što treba «iści ŭ admovu». Praŭda, dla apraŭdańnia pierad raŭnivym mužam u paluboŭnikaŭ jość adhavorka, što epizod, pra jaki daviedaŭsia Bałaba, adbyŭsia nibyta jašče da znajomstva žančyny ź im.

Ź Juryjem Karalkovym situacyja surjoźniejšaja, bo jon znachodzicca ŭ padparadkavańni ŭ Bałaby. Zdradžany muž pra niešta daviedaŭsia i tut, tamu Syščanka supakojvaje Karalkova i raić jamu taksama «iści ŭ admovu», a ŭsie kantakty pamiž imi, kali Bałaba zapytajecca, zvodzić nibyta da čysta słužbovych, tym bolš što niadaŭna ŭ jahonaj prysutnaści para razmaŭlała «nakont HUUS». Karalkova ž kłapocić toje, kab «Uładzimiravič nie bačyŭ», i prosić kachanuju vydalić pierapisku.

U razmovie z Alinaj Huk Volha Syščanka pryznajecca ŭ najaŭnaści niejki čas tamu ŭ jaje i inšaha kachanka — viadomaha śpievaka Rusłana Alachno: «My niejki čas ź im sustrakalisia — była sprava». Dźmitryj Bałaba pra heta padazraje, i, jak ščyra pryznajecca žančyna, «nie va ŭsim nie maje racyi, jość krycha ćviarozaha rozumu ŭ jahonych dumkach».

U listapadzie minułaha hoda Dźmitryj Bałaba, dajučy intervju «Minskaj praŭdzie», raskazaŭ pra svajo siamiejnaje žyćcio:

«Mahu z honaram skazać, što paśla słužby i składanaha dnia zaŭsiody imknusia dadomu da žonki Volhi i syna, jakoha liču svaim rodnym».

Kamientary70

  • siaroža
    22.11.2024
    [Red. vydalena]
  • spojler-bojler
    22.11.2024
    Jašče adna čamadanicha🤣🤣
  • Achachacha
    22.11.2024
    [Red. vydalena]

Ciapier čytajuć

Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch22

Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch

Usie naviny →
Usie naviny

Dalar upaŭ na try kapiejki

Rasijskija simki šmat kaho ź biełarusaŭ zabłakujuć, a aŭtobusy ŭ Picier zastanucca biez Wi-Fi16

Saakašvili pryhavaryli jašče da čatyroch z pałovaj hadoŭ turmy3

Rasija patrabuje «žalezabietonnych harantyj» nieŭstupleńnia Ukrainy ŭ NATA9

Rełakanty ŭ Litvie zapłaciać dvojčy? Raźbirajemsia, jak žyć biez pahadnieńnia ab padatkach8

Na adnym ź minskich plažaŭ źjaviacca podyumy dla zaharu

Na Daŭhinaŭskim trakcie pierakuliŭsia aŭtamabil. Ludzi sami vyleźli ź jaho

Dziaržsakratar ZŠA raskazaŭ pra dva płany vyrašeńnia kanfliktu va Ukrainie10

U Biełaruś prylacieli pieršyja busły2

bolš čytanych navin
bolš łajkanych navin

Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch22

Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch

Hałoŭnaje
Usie naviny →

Zaŭvaha:

 

 

 

 

Zakryć Paviedamić