Špakoŭski pra saŭładalnika «Varhiejminha» Kacałapava: Prafinansavaŭ pratesty na 296 tysiač dalaraŭ

U pačatku krasavika źjaviłasia infarmacyja, što saŭładalnika «Varhiejminha» Mikałaja Kacałapava abvinavačvajuć u danatach apazicyjnym strukturam na sotni tysiač dalaraŭ i zavodziać suprać jaho śpiecvytvorčaść. Adnak kankretnaja suma była nieviadomaja. Ciapier prapahandyst Alaksandr Špakoŭski jaje nazvaŭ. 

Mikałaj Kacałapaŭ. Fota ź jahonaha LinkedIn

Špakoŭski pisaŭ u svaim telehram-kanale na bolš ahulnyja temy, ale mimachodź zhadaŭ i pra Kacałapava, što

«adzin z top-mieniedžaraŭ kampanii Wargaming, jaki pastajanna žyvie na Kipry, prafinansavaŭ niaŭdałuju sprobu dziaržaŭnaha pieravarotu na sumu $296 tysiač».

U vydadzienym raniej prapahandysckim kino śćviardžałasia, što Kacałapaŭ zrabiŭ «dziasiatki pieravodaŭ u kryptavalucie» na «sotni tysiač dalaraŭ» u roznyja inicyjatyvy, pryznanyja ekstremisckimi.

U studzieni 2023 Kacapałava ŭnieśli ŭ śpis «terarystaŭ». Tady jamu zakidali finansavańnie «terarystyčnaj dziejnaści», to-bok achviaravańnie na adnu z čatyroch pryznanych tady terarystyčnymi inicyjatyvaŭ: «Bajpoł», ruch «Supraciŭ» (uklučna z «Kibierpartyzanami»), Atrady hramadzianskaj samaabarony i «Niechta».

Kamientary da artykuła