«Vyrašyli, što varta mienš kamunikavać». Pra što platkarać miž saboj kalehi Harbačova-Makaviejeva pa «Varhiejminhu»
Fihurant rasśledavańnia «Našaj Nivy», u jakoha znajšoŭsia pašpart prykryćcia, — supracoŭnik «Varhiejminha» Fiodar Harbačoŭ. Raspytali jaho kaleh pra toje, što dumajuć supracoŭniki kampanii pra historyju mužčyny.
Fiodar Harbačoŭ ciapier pracuje na prajekcie Cold War. Heta novy prajekt Wargaming, jaki tolki prachodzić stadyju testaŭ.
Tamu bolšaja častka supracoŭnikaŭ nie nadta pierasiakajecca z Harbačovym.
Na tekst «Našaj Nivy» reakcyja niervovaja. Nie ŭsie supracoŭniki Varhiejminha vierać u fakty ŭ rasśledavańni pra svajho kalehu. Niekatoryja ličać, što jaho mahli padstavić, stvaryŭšy jamu pašpart prykryćcia. Inšyja pryznajuć, što pašpart prykryćcia — heta žalezny dokaz, tamu sumnievaŭ być nie moža.
Surazmoŭcy acharaktaryzavali Harbačova jak razumnaha čałavieka, jaki šmat što viedaje, u tym liku šmat roznych movaŭ i cikavych histaryčnych faktaŭ, a niadaŭna skončyŭ kursy litoŭskaj i paśpiachova zdaŭ ispyt. Jon — histaryčny kansultant na prajekcie Cold War.
Bolš za ŭsio supracoŭniki pieražyvajuć za toje, što mahli abmiarkoŭvać z Harbačovym kanfidencyjnuju infarmacyju. «Ludzi sprabujuć uzhadać, chto i što jamu kazaŭ, što jon pytaŭsia i što ŭvohule abmiarkoŭvali. Ludzi napružanyja, bo ŭ jaho prysutnaści vykazvalisia svabodna», — kažuć surazmoŭcy.
Taksama supracoŭnikaŭ «Varhiejminha» niepakoić toje, što ŭ apošni čas uźnikli prablemy ź mihracyjaj — niekalkich supracoŭnikaŭ pryznali pahrozaj nacyjanalnaj biaśpieki i zahadali vyjechać ź Litvy. Jany ličać, što praz kiejsy kštałtu Harbačova mohuć pastrožyć pravierki na atrymańnie dazvołaŭ na žycharstva, a i ciapier ich vydaču zatrymlivajuć i rehularna admaŭlajuć.
Mnohija kalehi ličać, što lepš nie kamunikavać da vyśviatleńnia abstavinaŭ, choć i nieviadoma, pa jakich temach Harbačoŭ moh supracoŭničać sa śpiecsłužbami Biełarusi. Abmiarkoŭvajecca i toje, ci zvolniać Harbačova — usio ž infarmacyja pra pašpart prykryćcia vyklikaje šmat pytańniaŭ.
«Naša Niva» — bastyjon biełaruščyny
PADTRYMAĆCiapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1414
Kamientary