Ministr abarony ZŠA zahadaŭ abstalavać u Pientahonie pakoj dla makijažu padčas abvieščanaha skaračeńnia vydatkaŭ
Ministr abarony ZŠA Pit Chehset inicyjavaŭ pieraabstalavańnie pakoja ŭ Pientahonie pad hrymiorku dla padrychtoŭki da televizijnych vystupaŭ. Navina vyklikała rezanans u miedyja na fonie abvieščanaha administracyjaj Trampa skaračeńnia dziaržaŭnych vydatkaŭ.
Ministr abarony ZŠA Pit Chehset. Fota: AP Photo / Mark Schiefelbein
Pavodle infarmacyi CBS News, pieraŭtvareńnie «zialonaha pakoja» (green room) u hrymiorku abyšłosia biudžetu Pientahona ŭ niekalki tysiač dołaraŭ. Pieršapačatkovy košt prajekta aceńvaŭsia ŭ $40 000, ale paśla krytyki i ŭnutranych abmierkavańniaŭ vydatki byli značna skaročanyja. Pa słovach pradstaŭnikoŭ Ministerstva abarony, vykarystanyja materyjały byli pieravažna sa składa i najaŭnych zapasaŭ.
U pamiaškańni byli ŭstanoŭlenyja vialikaje lusterka z aśviatleńniem, novaje kresła i stoł. Pry hetym, jak śćviardžaje sam Chehset, jon karystajecca hrymam samastojna, biez pryciahnieńnia prafiesijnych vizažystaŭ.
Da taho, jak stać ministram abarony, Chehset byŭ viadučym na kanale Fox News. Z momantu svajho pryznačeńnia jon paabiacaŭ zasiarodzicca na palapšeńni bajavych zdolnaściej uzbrojenych sił i ich bojehatoŭnaści.
Chehset apošnim časam niekalki razoŭ traplaŭ u hučnyja skandały. Z apošniaha, pavodle ŚMI, jon dzialiŭsia infarmacyjaj pra vajennyja apieracyi ŭ zakrytych čatach u dadatku Signal, dzie siarod udzielnikaŭ była jaho žonka — taksama byłaja pradziusarka Fox. Chehset admaŭlaje heta.