Čarhovy skandał vakoł kiraŭnika Pientahona: Chehset abmiarkoŭvaŭ udary pa Jemienie ŭ pryvatnym čacie z žonkaj i bratam
Ministr abarony ZŠA Pit Chehset padzialiŭsia detalami vajennaj apieracyi ŭ Jemienie ŭ pryvatnym čacie Signal sa svajoj žonkaj, bratam i asabistym advakatam, piša hazieta The New York Times sa spasyłkaj na čatyry krynicy.
Pavodle śviedčańniaŭ krynic vydańnia, ministr abarony ŭ sakaviku dzialiŭsia infarmacyjaj pra budučyja avijaŭdary ZŠA pa Jemienie ŭ pryvatnym čacie Signal, u jaki ŭvachodzili jaho žonka, brat i asabisty advakat.
U paviedamleńniach byli, siarod inšaha, hrafiki palotaŭ F/A-18 Hornet, pryznačanych dla atak na paŭstancaŭ-chusitaŭ. Asobnyja padrabiaznaści z hetaha ž płana apieracyi Chehset raspaŭsiudziŭ i ŭ inšym čacie, vypadkova dadaŭšy tudy redaktara The Atlantic.
Čat pad nazvaj «Defense | Team Huddle» byŭ stvorany jašče da pryznačeńnia Chehseta na pasadu, ale jon praciahvaŭ aktyŭna vykarystoŭvać jaho i paśla, chacia čat byŭ zarehistravany na pryvatny telefon zamiest słužbovaha. Padčas padrychtoŭki da apieracyi ŭ Jemienie ŭ im źjaviłasia kanfidencyjnaja infarmacyja, jakoj nie pavinny byli vałodać inšyja asoby.
Brat Chiehsieta Fił i asabisty advakat Cim Parłataru — pracujuć u Pientahonie, adnak dačynieńnia da vajennych apieracyj suprać chusitaŭ nie majuć. Žonka Chehseta, były pradziusar Fox News, nie źjaŭlajecca supracoŭnicaj Pientahona, adnak supravadžała muža na sustrečach z zamiežnymi lidarami. Jaje ŭdzieł u dvuch sakretnych pasiadžeńniach z vajennymi pradstaŭnikami vyklikaŭ abureńnie hramadskaści.
Ekśpierty ŭ halinie biaśpieki miarkujuć, što navat zhadka času pačatku apieracyi i typu avijacyi — heta infarmacyja, jakaja źjaŭlajecca zasakrečanaj i moža padviarhać ryzycy žyćci amierykanskich vajskoŭcaŭ.
Inśpiekcyjnaja słužba Pientahona ŭžo abviaściła pravierku vykarystańnia nieaficyjnych kanałaŭ suviazi dla pieradačy słužbovaj infarmacyi. U miežach rasśledavańnia, jakoje pačałosia pa inicyjatyvie sienackaha kamiteta abarony, praviarajecca adpaviednaść dziejańniaŭ Chehseta palitycy biaśpieki Pientahona.
Niahledziačy na ŭsie abvinavačvańni, Bieły dom praciahvaje abaraniać Chiehseta. Adnak demakraty ŭ Kanhresie patrabujuć jaho adstaŭki, nazyvajučy jaho dziejańni pahrozaj dla žyćcia sałdat i nacyjanalnaj biaśpieki.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1818
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes18
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary