Vydaviectva «Januškievič» kupiła pravy na vydańnie dvuch važnych tvoraŭ
Pa-biełarusku majuć vyjści lehiendarny raman nobieleŭskaha łaŭreata Hiuntera Hrasa «Blašany baraban» i zusim śviežy dy aktualny tvor polskaha piśmieńnika Ščepana Tvardacha «Nul», jaki pabačyŭ śviet u aryhinale 26 lutaha 2025 hoda. Pra nabyćcio pravoŭ na hetyja vydańni paviedamiła vydaviectva «Januškievič».
Pieramovy z pravaŭładalnikami pra vydańnie Hiuntera Hrasa doŭžylisia amal hod. Ciapier pierakładčyk Siarhiej Matyrka ŭžo pracuje nad tekstam «Blašanaha barabana». Hety tvor u svoj čas pierakuliŭ paślavajennuju niamieckuju litaraturu i dahetul nie straciŭ aktualnaści. Historyja pra toje, jak maŭčać, kali treba havaryć, i havaryć, kali nichto nie słuchaje.
Raman «Nul» Ščepana Tvardacha pra vajnu va Ukrainie — heta nie kniha pra podźvihi i hieroiku, a pra tryvožnaje čakańnie, brud, strach i liniju frontu, što pierasiakaje čałaviečaje žyćcio. Nad pierakładam pracuje Kaciaryna Macijeŭskaja.
Čytajcie taksama:
Nie kažy ty mnie słoŭ, što nie hrejuć ciapłom, Alaksandr Čarnucha
Chłuśnia i reputacyja anłajn. Sučasny amierykanski biestsieler vyjšaŭ pa-biełarusku
Pakul niejak tak: vyjšła kniha pra žyćcio moładzi Minska ŭ 2023-m