Apublikavany prajekt mahiły Papy Franciška
Śviaty Pasad pradstaviŭ prajekt mahiły Papy Franciška. Jana budzie raźmieščana ŭ Bazilicy Santa-Maryja-Madžore, adnoj z čatyroch hałoŭnych papskich bazilik Ryma, pišuć Naviny Vatykana.
Pres-słužba Vatykana
Mahiła vyrablena z marmuru lihuryjskaha pachodžańnia. Na joj budzie tolki adzin nadpis — «Franciscus», a taksama repradukcyja nahrudnaha kryža pantyfika. Takoje prostaje afarmleńnie adlustroŭvaje ścipłaść, jakaja charaktaryzuje słužeńnie Papy.
Dakładnaje miesca mahiły — niša bakavoha niefa baziliki, raźmieščanaja pamiž Paŭlinskaj kaplicaj (viadomaj taksama jak Kaplica «Salus Populi Romani») i kaplicaj Sforca.
Mahiła budzie znachodzicca pobač z ałtarom śviatoha Franciška, što maje simvaličnaje značeńnie, uličvajučy, što mienavita ŭ honar hetaha śviatoha Chorche Marya Bierholja abraŭ svajo papskaje imia.
Vybar baziliki Santa-Maryja-Madžore dla miesca pachavańnia Papy Franciška adroźnivajecca ad tradycyjnaha miesca pachavańnia pantyfikaŭ u krypcie Baziliki Śviatoha Piatra ŭ Vatykanie i adlustroŭvaje asabistaje pažadańnie pantyfika i jaho hłybokuju pašanu da Božaj Maci.
Nahadajem, što pachavańnie Papy Franciška projdzie ranicaj u subotu.
Čytajcie taksama:
Ad Biełarusi na pachavańnie Papy Rymskaha pajedzie Ihar Sierhiejenka
Vatykan zaprasiŭ Śviatłanu Cichanoŭskuju na pachavańnie Papy Franciška
U Vatykanie pačałosia raźvitańnie z Papam Franciškam
U śpisie mahčymych Papaŭ dadaŭsia i kardynał, jaki naviedvaŭ biełaruskich palitviaźniaŭ
«Z adzinym nadpisam: Franciscus». Vatykan apublikavaŭ zaviaščańnie pamierłaha Papy