Ź sierady ŭsie vierniki zmohuć raźvitacca z pantyfikam u sabory Śviatoha Piatra. Samo pachavańnie adbudziecca ŭ subotu.
Jahonaje cieła ranicaj pieranieśli z kaplicy ŭ rezidencyi Śviatoj Marty. Uznačaliŭ pracesiju kardynał Kievin Fareł — kamierlenh Ryma-katalickaha kaścioła, paviedamiła Pres-biuro Vatykana.
Paśla malitvy ŭ kaplicy Doma Śviatoj Marty pracesija prajšła pa vulicach Śviatoj Marty i Pieršamučanikaŭ Ryma, pad arkaj Zvonaŭ, vyjšła na płošču Śviatoha Piatra i praz centralnyja dźviery ŭvojdzie ŭ bazyliku.
La ałtara Spoviedzi kamierlenh pravioŭ liturhiju Słova. Paśla jaje zaviaršeńnia bazylika adčyniła dźviery dla ŭsich, chto žadaje addać apošniuju daninu pavahi Papu.
Pavodle infarmacyi pres-słužby Śviatoha Pasadu, raźvitacca z Papam Franciškam, jaki budzie znachodzicca ŭ sabory Śviatoha Piatra, vierniki zmohuć u sieradu da apoŭnačy, u čaćvier — z 7:00 da 24:00, a ŭ piatnicu — z 7:00 da 19:00.
Pachavalnaja imša adbudziecca ŭ subotu a 10:00 pa miascovym časie (11:00 pa minskim časie) na płoščy pierad saboram Śviatoha Piatra. Zatym pačniecca pracesija ŭ Vialikuju bazyliku Najśviaciejšaj Panny Maryi ŭ Rymie, dzie Papa budzie pachavany zhodna ź jaho zaviaščańniem. Papa Francišak da svajoj śmierci vykazaŭ žadańnie znajści viečny supakoj nie ŭ bazylicy Śviatoha Piatra, jak heta pryniata dla pantyfikaŭ, a mienavita ŭ Vialikaj bazylicy Najśviaciejšaj Panny Maryi — adnym ź jaho samych ulubionych miescaŭ.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary