Tramp: Krym zastaniecca z Rasijaj
Pra heta prezident ZŠA zajaviŭ 22 krasaviku ŭ intervju Time.
Demanstracyja ŭ Łondanie. Fota: Mike Kemp/In Pictures via Getty Images
«My vymušanyja havaryć pra Krym, bo jaho ŭvieś čas zhadvajuć. Krym zastaniecca z Rasijaj. I prezident Ukrainy Uładzimir Zialenski heta razumieje, i ŭsie heta razumiejuć — što Krym doŭhi čas byŭ z Rasijaj», — zajaviŭ prezident ZŠA.
Tramp adznačyŭ, što ŭsio jašče vieryć u mahčymaść zaklučeńnia mirnaj damovy z Uładzimiram Pucinym i Uładzimiram Zialenskim.
«U nas byli vielmi dobryja pieramovy z Maskvoj, i my vielmi blizkija da zaklučeńnia pahadnieńnia», — skazaŭ jon.
Kali žurnalist Time nahadaŭ jamu pra abiacańnie zaviaršyć rasijska-ukrainskuju vajnu ŭ pieršy ž dzień svajho prezidenctva, Tramp adkazaŭ: «Ja skazaŭ heta vobrazna i jak pierabolšańnie, kab padkreślić svoj punkt hledžańnia… Vidavočna, ludzi razumiejuć, što heta było skazana žartam, ale taksama było skazana, što hetamu nadydzie kaniec».
Čytajcie taksama:
Tramp nazvaŭ «vialikaj sastupkaj» Pucina admovu zachoplivać usiu Ukrainu
Kličko: Ukrainie, mahčyma, daviadziecca addać terytoryi dziela miru
Ukraina rychtujecca da spynieńnia padtrymki z boku ZŠA — Bild
Rubia: ZŠA pakazali «finišnuju pramuju» dla dasiahnieńnia miru