Tramp nazvaŭ «vialikaj sastupkaj» Pucina admovu zachoplivać usiu Ukrainu
Pry hetym Tramp zapeŭniŭ, što akazvaje «vialiki cisk» na Rasiju.
Prezident RF Uładzimir Pucin zrabiŭ «vialikuju sastupku» na pieramovach pa zaviaršeńni vajny va Ukrainie, admoviŭšysia ad poŭnaha zachopu krainy, zajaviŭ prezident ZŠA Donald Tramp. «Spynieńnie vajny, spynieńnie zachopu ŭsioj krainy — davoli vialikaja sastupka», — skazaŭ Tramp padčas sustrečy ŭ Avalnym kabiniecie z premjer-ministram Narviehii Jonasam Hare Stere, piša CNN.
Na pytańnie žurnalistaŭ, ci daviadziecca Ukrainie sastupić akupavanyja terytoryi Rasii dziela spynieńnia ahniu, Tramp adkazaŭ unikliva: «Heta zaležyć ad taho, jakaja mienavita terytoryja». Jon nahadaŭ, što Ukraina straciła «šmat terytoryj». Tak, ź jahonych słoŭ, viarnuć Krym «budzie vielmi ciažka».
Pry hetym Tramp zapeŭniŭ, što akazvaje «vialiki cisk» na Rasiju. Kiraŭnik Biełaha doma padkreśliŭ, što ŭ jaho jość «svoj dedłajn» dla zaklučeńnia mirnaj ździełki.
«A paśla hetaha ŭ nas budzie zusim inšy padychod, ale ja dumaju, što jość vielmi dobryja šancy dasiahnuć damoŭlenaści», — skazaŭ amierykanski prezident.
Jon prapanavaŭ žurnalistam spytać jaho ab prahresie ŭ hetym pytańni praz dva tydni.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary