Orban: Tramp časta pytajecca, kali Vienhryja vyjdzie ź Jeŭrasajuza
Premjer-ministr Vienhryi Viktar Orban na forumie ŭ Piliśviorašvary ŭ vakolicach Budapiešta, dzie akramia ŭnutranaj palityki abmiarkoŭvalisia i biahučyja źniešniepalityčnyja prablemy, zajaviŭ, što prezident ZŠA Donald Tramp časta telefanuje jamu i pytajecca, kali Vienhryja pakinie Jeŭrasajuz, piša Euronews.
Donald Tramp i Viktar Orban. Fota: AP
Adkazvajučy na pytańnie adnaho z členaŭ aŭdytoryi, Orban skazaŭ, što ideja takoha charaktaru i śpiecyfiki moža być pryniataja tolki paśla doŭhaha i ŭvažlivaha razhladu. Kali ž Vienhryja vyrašyć, što varta pajści ź ES, to prosta treba budzie prajavić inicyjatyvu. Adnak, pa słovach premjer-ministra, hety momant jašče nie dasiahnuty.
Trampu ž jon nibyta źviarnuŭ uvahu na toje, što Vienhryja pradaje 85% svajoj pradukcyi ŭ miežach Jeŭrapiejskaha Sajuza.
Orban apošnija hady paśladoŭna prytrymlivajecca jeŭraskieptyčnaj pazicyi. Pa jahonych słovach, kali b u 2004 hodzie ES byŭ takim, jakim jon źjaŭlajecca siońnia, Vienhryja mahła b i nie padavać u jaho zajaŭku. Choć kali byŭ u 1998-2002 hadach pieršy raz premjeram krainy, sam ža vioŭ pieramovy ab ustupleńni.
Čytajcie taksama:
Vienhryja abviaściła pra vychad ź jurysdykcyi Mižnarodnaha kryminalnaha suda
«Tavaryšy, kaniec!»: u Budapiešcie tysiačy vienhraŭ pratestavali suprać Orbana