«Tavaryšy, kaniec!»: u Budapiešcie tysiačy vienhraŭ pratestavali suprać Orbana
Tysiačy vienhraŭ vyjšli na mitynh u Budapiešcie ŭ znak pratestu suprać palityki premjer-ministra Viktara Orbana i ŭ padtrymku apazicyjnaj partyi «Cisa» ŭ subotu, 15 sakavika.
Pra heta piša «Jeŭrapiejskaja praŭda» sa spasyłkaj na Telex i 444.
15 sakavika na mitynhu vystupiŭ były paplečnik premjer-ministra Vienhryi Viktara Orbana, a ciapier lidar apazicyi Pieter Madźjar, jaki zaklikaŭ adpravić dziejnaha kiraŭnika ŭrada na śmietnik historyi za zdradu nacyjanalnym intaresam.
U svajoj pramovie palityk zajaviŭ, što «viasna vienhraŭ» užo nastupiła, i paabiacaŭ pakłaści kaniec «zimy Orbana».
«Ja zaŭsiody ličyŭ, što premjer-ministr dasiahnuŭ samaj nizkaj kropki, i ja vieru, što jamu ŭdałosia dasiahnuć hetaha dna siońnia», — zajaviŭ jon.
Madźjar skazaŭ, što jość pramovy, jakija nie treba kamientavać, tamu što jany kažuć sami za siabie.
Na akcyi jon paabiacaŭ apublikavać apytańnie pa 12 klučavych ekanamičnych i palityčnych pytańniach, kab pačuć «hołas nacyi».
Taksama padčas krytyki Orbana Madźjar zajaviŭ, što «ŭsio skončana».
«Abo kali vy razumiejecie lepš: tavaryšy, kaniec!», — zajaviŭ jon, skazaŭšy apošniuju frazu na ruskaj movie.
Fraza «Tavaryšy, kaniec!» — heta adsyłka da viadomaha płakata pieršych svabodnych vybaraŭ u Vienhryi 1990 hoda.
Orban zajaviŭ hrupie ź niekalkich tysiač abranych prychilnikaŭ, što Vienhryja ŭ bližejšyja tydni likviduje srodki masavaj infarmacyi i inšyja arhanizacyi, jakija atrymlivajuć finansavańnie z-za miažy, paraŭnaŭšy takija hrupy z kazurkami.
15 sakavika jon taksama apublikavaŭ u sacsietkach paviedamleńnie pad nazvaj «Čaho vienhierskaja nacyja choča ad Brusela». Apošni punkt sa śpisu patrabavańniaŭ Orbana hučyć tak: «Sajuz, ale biez Ukrainy».
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB16
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary
Pry akazii, "niešta" znoŭ nie chapiła infarmacyi, jakaja tam dzie "treba" źjaŭlajecca. Partyja Madziara TISZA maje prava-centryscki profil.
A paźniej źjavicca artykuł pra rusifikacyju biełarusaŭ.
Darečy, dzie "treba", zhadvajecca partyjny profil. Tut infarmacyi nie chapisa. Partyja Tisza maje pravacentryscki profil.