U MZS Ukrainy zaklikali nie reahavać na źlivy «mirnych płanaŭ»

Pres-sakratar ukrainskaha MZS Hieorhij Cichi padčas bryfinhu 25 krasavika, kamientujučy roznaha rodu «mirnyja płany», jakija źjaŭlajucca ŭ ŚMI, zaklikaŭ uličvać aficyjnuju pazicyju kiraŭnictva Ukrainy, a nie «źlivy» ŭ miedyjach.

Hieorhij Cichi padčas bryfinhu. Skrynšot ź videa

«Dastatkova paviedamleńniaŭ, jakija akreślivajuć pazicyju Ukrainy. I prosim nie reahavać emacyjna na raznastajnyja hetyja źlivy ŭ miedyjach. Tamu što imi zajmajecca, paviercie, chto papała, prabačcie, ja vam skažu prostaj movaj, vielmi vialikaja častka ŭ cełym hetych usich źlivaŭ nie adpaviadaje rečaisnaści», — adznačyŭ Hieorhi Cichi.

Jon nazvaŭ try pryncypovyja pazicyi Ukrainy:

• jana nikoli nie pryznaje nijakuju častku svajoj terytoryi jak rasijskuju;
• nikoli nie pahodzicca na jakoje-niebudź abmiežavańnie svaich Uzbrojenych sił abo abmiežavańnie svajho VPK;
• nie prymie vieta na svoj udzieł u aljansach i sajuzach.

Taksama Cichi adznačyŭ, što aficyjnych dypłamatyčnych sihnałaŭ abo padrychtoŭki da vychadu ZŠA ź mirnych pieramoŭ Ukraina nie atrymlivała, publičnyja kamientary amierykanskich aficyjnych asob, u pryvatnaści dziaržsakratara Marka Rubia, ukrainski bok rasceńvaje jak častku kamunikacyjnaj stratehii ZŠA.

Kamientary da artykuła