Ukraina biez Kryma, ale z Zaparožskaj AES. Reuters apublikavała poŭny śpis mirnych prapanoŭ Trampa
Ahienctva Reuters atrymała poŭny źmiest mirnaha płana prezidenta ZŠA Donalda Trampa, jaki amierykanski śpiecpradstaŭnik Styŭ Uitkaf pradstaviŭ na pieramovach z Ukrainaj. Žurnalisty adznačyli, što publikujuć dakumient bieź źmienaŭ. Jon utrymlivaje vyraznyja ŭmovy, jakija źjaŭlajucca «kančatkovaj prapanovaj» Vašynhtona dla abodvuch bakoŭ.
U pieršuju čarhu Złučanyja Štaty vystupajuć za ŭstanaŭleńnie pastajannaha spynieńnia ahniu pamiž Rasijaj i Ukrainaj, a taksama za nieadkładny pačatak pieramovaŭ pa jaho praktyčnym ukaranieńni. Ukraina atrymaje «nadziejnyja harantyi biaśpieki» i mahčymaść dałučeńnia da Jeŭrasajuza, ale nie budzie mieć prava na ŭstupleńnie ŭ NATA.
Pa terytaryjalnych pytańniach ZŠA de-jure pryznajuć rasijski kantrol nad Krymam, a taksama de-fakta pryznajuć rasijski kantrol nad Łuhanskaj vobłaściu i častkami Danieckaj, Zaparožskaj i Chiersonskaj abłaściej.
U toj ža čas praduhledžvajecca, što Ukraina viartaje časova akupavanyja terytoryi Charkaŭskaj vobłaści. Taksama jana viartaje kantrol nad Zaparožskaj atamnaj elektrastancyjaj praz amierykanski kantrol i kiravańnie stancyjaj — elektraenierhija ź jaje raźmiarkoŭvajecca pamiž abodvuma bakami.
Pavodle dakumienta, Ukraina jašče atrymlivaje kantrol nad Kinburnskaj kasoj i bieśpieraškodny dostup da Dniapra.
Adnosna ekanamičnaj častki, zhodna z płanam, pradstaŭlenym Uitkafam, praduhledžana zaklučeńnie pahadnieńnia ab ekanamičnym partniorstvie pamiž ZŠA i Ukrainaj, a taksama adnaŭleńnie finansavaj padtrymki dla paślavajennaha adnaŭleńnia krainy.
Akramia hetaha, płanam praduhledžana źniaćcie sankcyj, uviedzienych suprać Rasii z 2014 hoda. Taksama havorka idzie pra budučaje ekanamičnaje supracoŭnictva pamiž ZŠA i Rasijaj, u pryvatnaści ŭ enierhietycy i inšych halinach pramysłovaści.
Ukraina rychtujecca da spynieńnia padtrymki z boku ZŠA — Bild
ZŠA prapanujuć Ukrainie mirny płan, jaki dazvolić Pucinu zachavać zachoplenyja terytoryi. Stali viadomyja amierykanskija prapanovy
Piaskoŭ nazvaŭ umovu, pry vykanańni jakoj vajna imhnienna zaviaršyłasia b
«Kali hramadstvy rychtujuć da vialikaj vajny, to ekspłuatujuć i bojaź jaje»
Vialikabrytanija moža admovicca ad adpraŭki miratvorcaŭ va Ukrainu z-za ryzyki vajny z Rasijaj
Ciapier čytajuć
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony7
Kamientary
Łapidarny Tramp patrabuje kab Ukraina a potym ZŠA pryznali aneksiju Krymu . Heta poŭnaściu supiarečyć mižnarodnamu pravu i padbuchtorvaje dla novych ahresij pa ŭsiamu śvietu.
Zvyčajna pucinski prapahandyst nibyta biełarus Pilip byŭ bolš aściarožnym, a tut vykryŭsia całkam.
Saboj handluj, a nie čužoj krainaj.