Zialenski: Pieramoha Pucina budzie pravałam ZŠA jak suśvietnaha lidara

Pieramoha Uładzimira Pucina niemahčymaja, pakolki heta budzie pravałam ZŠA jak suśvietnaha lidara. Akramia taho, heta paŭpłyvaje na suśvietnuju ekanomiku, skazaŭ prezident Ukrainy Uładzimir Zialenski u intervju amierykanskamu žurnalistu Benu Šapira.

Uładzimir Zialenski. Skrynšot ź videa

«Pieramoha Pucina niemahčymaja, tamu što heta budzie pravał Złučanych Štataŭ jak suśvietnaha lidara, a heta ŭžo palityka. Heta ŭpłyvaje na mnohija rečy, na vašu valutu, na vašu ekanomiku, na stabilnaść i siłu amierykanskaha dalara, na prysutnaść vašaj valuty ŭ śviecie, na vaš biznes. Takim čynam, heta ŭpłyvaje na ŭsio heta, na ceny, na krynicy enierhii, a mnohija krainy śvietu hruntujuć svaju ekanomiku na krynicach enierhii», — zajaviŭ Zialenski.

Akramia taho, kali Pucin damožacca pośpiechu, to heta budzie vialikaj ryzykaj dla ZŠA i sajuźnikaŭ, bo ŭ Cichaakijanskim rehijonie jość peŭnyja lidary, «jakija znachodziacca va ŭładzie šmat hadoŭ», i hladziać na Pucina.

«Tak što, kali jon dabjecca pośpiechu, jany padumajuć, čamu b im nie pasprabavać jašče raz?», — dadaŭ Zialenski.

Kamientary da artykuła