Zialenski: Ukraina hatova da pieramoŭ z terarystami paśla poŭnaha spynieńnia ahniu. Heta vialiki kampramis
Prezident Uładzimir Zialenski zajaviŭ, što pieršym krokam da pierahavoraŭ ab mirnym urehulavańni pavinna być poŭnaje i biezumoŭnaje spynieńnie ahniu, na što Rasija pakul nie zhadžajecca, piša «UP».
«Heta krok numar adzin. I kali my kažam ab kampramisach… adnosna jakich vy zadajacie pytańni. Ja liču, što na nas napali, akupavali terytoryju, zabili dziasiatki tysiač ludziej, žyŭcom pachavanyja šmatlikija dzieci i darosłyja. I toje, što Ukraina hatovaja sieści za stoł pieramoŭ paśla poŭnaha spynieńnia ahniu — heta vialiki kampramis», — skazaŭ Uładzimir Zialenski na pres-kanfierencyi 24 krasavika ŭ Paŭdniova-Afrykanskaj respublicy.
Zialenski padkreśliŭ, što Ukraina jak nichto zacikaŭlena ŭ zakančeńni vajny. Tamu ŭsie mirnyja inicyjatyvy važnyja i mohuć mieć miesca. Ale ŭsie jany pačynajucca z poŭnaha biezumoŭnaha spynieńnia ahniu.
«Usie na heta zhadžajucca, akramia Rasijskaj Fiederacyi» — dadaŭ Zialenski.
Druhoj čyrvonaj linijaj kiraŭnik dziaržavy nazvaŭ viartańnie vykradzienych ukrainskich dziaciej. Akramia hetaha — abmien usich na ŭsich.
Zialenski ŭsio ž vykazaŭ nadzieju, što ZŠA mohuć nacisnuć na Rasiju macniej, kab urešcie damahčysia poŭnaha spynieńnia ahniu.
Ciapier čytajuć
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka5
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary