Na «Kamunarcy» patłumačyli, čamu ceny na ich cukierki radykalna ŭźlacieli za adzin dzień

Dniami biełaruska padzialiłasia ŭ tyktoku, jak u kramie ŭ adzin i toj ža dzień da abiedu cukierki «Trufieli» kaštavali 38,39 rubla, a paśla — užo 63,36 rubla. «Anłajnier» źviarnulisia pa kamientary, što adbyvajecca, da vytvorcy i ŭ «Hipa», dzie byli zroblenyja fota.

«Źmianieńnie cany źviazana z rostam cen na pradukcyju hetaha pastaŭščyka. Z prychodam novaj partyi tavaru adbyłasia pieraacenka ŭ ramkach dziejnaha zakanadaŭstva», — prakamientavali situacyju ŭ «Hipa».

U «Kamunarcy», u svaju čarhu, adznačyli, što adkazvajuć tolki za adpusknuju canu i canu ŭ firmovych kramach.

Paźniej u telehram-kanale vytvorcy źjaviŭsia pašyrany kamientar ad «Kamunarki».

«Z pačatku hoda ceny na kakava-baby i ich vytvornyja, jakija pradpryjemstva zakuplaje za miažoj, vyraśli bolš čym na 30%. U cukiercy «Trufiel» utrymańnie kakava-praduktaŭ pieravyšaje 70%. U hetaj situacyi razhladaŭsia varyjant źniać hety pradukt z vytvorčaści, pakolki pradpryjemstva nie moža pracavać va ŭmovach admoŭnaj rentabielnaści. Ale ŭ vyniku, kab nie pazbaŭlać pakupnikoŭ vybaru, było pryniata «niaprostaje rašeńnie» ab pavyšeńni cany».

Kamientary da artykuła