Papu Franciška pachavali ŭ bazylicy Santa-Maryja-Madžore
Cieła pamierłaha Papy Franciška spačyła ŭ bazylicy Santa-Maryja-Madžore, u prostaj padziemnaj hrabnicy ź jahonym papskim imiem pa-łacinsku Franciscus. Trunu raźmiaścili ŭ padziemnaj nišy, pakolki jon sam zaviaščaŭ pachavać siabie «ŭ ziamli», piša Euronews.
Padčas cyrymonii pachavańnia. Fota: Alessandra Benedetti — Corbis/Corbis via Getty Images
Pravodzić u apošni šlach pantyfika ŭ subotu pryjšło kala 250 000 čałaviek, jašče kala 150 000 vystrailisia pa maršrucie ruchu truny z Vatykana da miesca pachavańnia.
Paśla paminalnaj imšy na płoščy Śviatoha Piatra ŭ Vatykanie truna Papy była pieraviezienaja ŭ bazyliku Santa-Maryja-Madžore dla pryvatnaha pachavańnia.
Vykonvajučy apošniuju volu pantyfika, jahonaje cieła ŭ kaściole sustrakali nie kiraŭniki dziaržaŭ i manarchi, a byłyja źniavolenyja, transhiendary, mihranty i biedniaki.
Papa spadziavaŭsia, što takaja cyrymonija adlustruje pryjarytety jaho papstva, u jakim jon imknuŭsia padkreślić svaju rolu prostaha śviatara, a nie ŭpłyvovaha relihijnaha lidara.
Čytajcie taksama:
Dzianis Kučynski ŭ Vatykanie havaryŭ ź Sierhiejenkam i Ambrazievičam
Dziasiatki tysiač čałaviek vyjšli na vulicy Ryma, kab raźvitacca z Papam Franciškam
Čamu pa-biełarusku niapravilna kazać «Papa Rymski»?
U Rymie siońnia prachodzić pachavańnie papy Franciška VIDEATRANŚLACYJA