Папу Францішка пахавалі ў базыліцы Санта-Марыя-Маджорэ
Цела памерлага Папы Францішка спачыла ў базыліцы Санта-Марыя-Маджорэ, у простай падземнай грабніцы з ягоным папскім імем па-лацінску Franciscus. Труну размясцілі ў падземнай нішы, паколькі ён сам завяшчаў пахаваць сябе «ў зямлі», піша Euronews.
Падчас цырымоніі пахавання. Фота: Alessandra Benedetti — Corbis/Corbis via Getty Images
Праводзіць у апошні шлях пантыфіка ў суботу прыйшло каля 250 000 чалавек, яшчэ каля 150 000 выстраіліся па маршруце руху труны з Ватыкана да месца пахавання.
Пасля памінальнай імшы на плошчы Святога Пятра ў Ватыкане труна Папы была перавезеная ў базыліку Санта-Марыя-Маджорэ для прыватнага пахавання.
Выконваючы апошнюю волю пантыфіка, ягонае цела ў касцёле сустракалі не кіраўнікі дзяржаў і манархі, а былыя зняволеныя, трансгендары, мігранты і беднякі.
Папа спадзяваўся, што такая цырымонія адлюструе прыярытэты яго папства, у якім ён імкнуўся падкрэсліць сваю ролю простага святара, а не ўплывовага рэлігійнага лідара.
Чытайце таксама:
Дзяніс Кучынскі ў Ватыкане гаварыў з Сергеенкам і Амбразевічам
Дзясяткі тысяч чалавек выйшлі на вуліцы Рыма, каб развітацца з Папам Францішкам
Чаму па-беларуску няправільна казаць «Папа Рымскі»?
У Рыме сёння праходзіць пахаванне папы Францішка ВІДЭАТРАНСЛЯЦЫЯ