Usievaład Ścieburaka. Spačatku ty kinieš źbirać kaštany. Vierš
Usievaład Ścieburaka apublikavaŭ u svaim fejsbuku novy vierš.
Spačatku ty kinieš źbirać kaštany,
a potym – i lotać u śnie.
Pamału čaroŭny tuman rastanie,
i śviet niezvarotna zvyčajnym stanie,
niaŭłoŭnaje štości minie.
Zakrucić vichura padziejaŭ i spravaŭ -
viadoma, ty zvykniešsia z tym.
I mrojnyja mory, dzie niekali płavaŭ,
raspuściacca ŭrešcie, jak dym.
i projdzie žyćcio…
tolki kožnuju vosień,
jak list upadzie na vadu,
ty budzieš čakać,
kali dzikija husi
pakličuć ciabie ŭ čaradu…
Kamientary