Uzarvany pad Maskvoj hienierał Maskalik rychtavaŭ dla Pucina materyjały pra vajnu va Ukrainie
Pra heta havorycca ŭ niekrałohu vajskoŭcu, apublikavanym Ministerstvam abarony ŭ viedamasnaj haziecie «Krasnaja źviezda», zaŭvažyła «Novaja hazieta Jeŭropa».
U publikacyi adznačajecca, što Jarasłaŭ Maskalik manitoryŭ abstanoŭku na froncie i dakładvaŭ pra jaje Pucinu i ministru abarony Andreju Biełavusavu.
Akramia taho, z 2015 pa 2021 hod Maskalik uvachodziŭ u skład delehacyj Minabarony RF u rabočaj hrupie pa pytańniach biaśpieki Minskaj kantaktnaj hrupy i «pryciahvaŭsia da vyrašeńnia pytańniaŭ urehulavańnia kanfliktu na paŭdniovym uschodzie Ukrainy», havorycca ŭ niekrałohu.
Z pačatku poŭnamaštabnaha rasijskaha ŭvarvańnia jon kiravaŭ dziažurnaj źmienaj Hrupy bajavoha kiravańnia Hienštaba Uzbrojenych sił RF.
Hienierał-lejtenant Jarasłaŭ Maskalik zahinuŭ ranicaj 25 krasavika ŭ Bałašysie ŭ vyniku vybuchu aŭtamabila ŭ dvary svajho doma. Paźniej pa abvinavačańni ŭ terakcie ŭ Maskvie byŭ aryštavany Ihnat Kuzin.
Napiaredadni prezident Ukrainy Uładzimir Zialenski zajaviŭ, što raźviedka dała jamu infarmacyju pra likvidacyju «asob z vyšejšaha kamandnaha składu» rasijskaj armii. Pavodle zdahadki, havorka idzie pra Maskalika. Zialenski nazvaŭ heta «dobrymi vynikami».
Čytajcie taksama:
U padmaskoŭnaj Bałašysie ŭzarvali hienierała Maskalika
Vykanaŭca zabojstva hienierała Maskalika žyŭ ź im u adnym padjeździe