Vykanaŭca zabojstva hienierała Maskalika žyŭ ź im u adnym padjeździe
Padazravany nibyta pryparkavaŭ aŭtamabil z vybuchoŭkaj 16 krasavika i chutka paśla hetaha pakinuŭ Rasiju.
Mierkavany padryŭnik na praciahu miesiaca zdymaŭ kvateru ŭ domie №2 pa bulvary Nieścierava ŭ Maskvie. Bolš za toje — zabojca i zabity hienierał-lejtenant žyli ŭ adnym padjeździe, piša Baza.
Žurnalisty «Bazy» apytali žycharoŭ doma — adrazu niekalki čałaviek zhadali, što «Falksvahien Holf», načynieny SVU na asnovie VPHaŭ (vystrałaŭ da padstvolnaha hranatamiota), byŭ pryparkavany dakładna nasuprać vychadu z padjezda 16 krasavika. Tady ž kala mašyny apošni raz bačyli mužčynu, jaki jaje pakinuŭ.
Siońnia kala 10:40, kali hienierał Ministerstva abarony RF Jarasłaŭ Maskalik vychodziŭ z domu, u mašynie spracavała bomba — vajskoviec zahinuŭ na miescy.
Pavodle krynic «Bazy», kiroŭca «Holfa» vylecieŭ z Rasii ŭ Turcyju 19 krasavika — praź niekalki dzion paśla taho, jak pakinuŭ aŭtamabil z vybuchoŭkaj la doma hienierała.
Na fota, piša Baza, — Ihnat Kuzin, apošni ŭładalnik «Falksvahiena Holfa». Jon rodam z ukrainskaha horada Sumy. Z 2015 hoda Kuzin zarehistravany ŭ Karačajeva-Čarkieskaj respublicy. Kuzin nabyŭ «Holf» na pačatku lutaha 2025 hoda ŭ papiaredniaha ŭładalnika — Andreja P.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB44
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary