Prykmietna pavialičyłasia kolkaść piensijanieraŭ, jakija pracujuć
Ministarka pracy i sacyjalnaj abarony Natalla Paŭlučenka ŭ efiry Biełaruskaha telebačańnia raskazała pra toje, jak paŭpłyvali na situacyju na rynku pracy źmieny dla piensijanieraŭ, što praciahvajuć pracavać. Hetyja źmieny pačali dziejničać z pačatku hoda, piša Myfin.by.
Fota ilustracyjnaje
Pa słovach čynoŭnicy, paśla ŭstupleńnia ŭ siłu z 1 studzienia ŭkaza №402, jaki źniaŭ abmiežavańni na pamier vypłat ad dziaržavy dla pažyłych ludziej, jakija praciahvajuć pracavać, kolkaść ludziej, jakija pracujuć i na piensii, prykmietna pavialičyłasia.
«Tak, my kazali, što ŭ nas pracujuć 110 tysiač asob, jakija dasiahnuli ŭstanoŭlenaha piensijnaha ŭzrostu. i litaralna ź pieršych miesiacaŭ realizacyi ŭkaza my ŭbačyli: pieršy miesiac — plus 10 tysiač, dalej — plus 6 tysiač», — zajaviła Natalla Paŭlučenka.
Raniej u Minpracy zajaŭlali, što dziakujučy normam ukaza №402 na rynak pracy mohuć viarnucca bolš za 10 tysiač piensijanieraŭ, jakija prymuć rašeńnie praciahvać pracavać.
Čytajcie taksama:
Piensijaniery znoŭ zmohuć jeździć u elektryčkach za pałovu cany
Da prahramy sacyjalnych źnižak dałučyli i «Je-dastaŭku»
U piensijaniera z Paleśsia — 92 unuki. I heta rekord
«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie