«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie
Eks-mer Połacka Uładzimir Tačyła ŭ tyktokach svajoj dački raźvienčvaje adzin ź lubimych mifaŭ Łukašenki. A nazyvajecca toj mif «Łukašenka ŭratavaŭ viosku».
Uładzimir Tačyła — były mer Połacka. Jamu Natalla Kačanava abaviazanaja startam svajoj karjery. Mienavita Tačyła pieraciahnuŭ jaje z «Vodakanała» ŭ harvykankam.
Sama Kačanava śćviardžaje, što nikoli nie mieła vialikich ambicyj. Ale ž u chutkim časie stała namieśnicaj kiraŭnika Połacka, jana adkazvała za śfieru ŽKH i budaŭnictva.
«Prychod u Połacki harvykankam byŭ dla mianie poŭnaj vypadkovaściu, bo dahetul ja pracavała prosta inžynieram i ni pra jakuju ŭładu nie dumała … Dziakuj majmu mudramu i daśviedčanamu nastaŭniku Uładzimiru Tačyłu. Mienavita jon prymusiŭ mianie pavieryć u svaje siły i zrabić nastupny krok u žyćci», — kazała Kačanava.
Ale ž u 2010 hodzie ŭ Tačyły pačalisia prablemy. Na jaho zaviali kryminalnuju spravu za vydzialeńnie ŭčastkaŭ kala Spasa-Jefrasińnieŭskaha manastyra. Uładzimir Tačyła i jahony namieśnik Siarhiej Kuksaŭ nabrali sabie i svaim blizkim ziamlu pad katedžy.
U 2012 hodzie byłoha mera Uładzimira Tačyłu aryštavali. Ale ž jon, nie čakajučy suda, poŭnaściu kampiensavaŭ naniesienuju škodu, a taksama napisaŭ prašeńnie ab pamiłavańni. Dapamahło — u studzieni 2013 kryminalnuju spravu zakryli, a były mer vyjšaŭ na svabodu.
U toj samy čas nieambicyjnaja Natalla Kačanava praciahvała budavać palityčnuju karjeru.
Ciapier Uładzimir Tačyła viadzie raźmieranaje žyćcio piensijaniera. Jon siabar Rady pažyłych hramadzian pry Viciebskim abłvykankamie i staršynia rajonnaha kamiteta pažyłych ludziej Połacka. Piša pafasnyja, ale nie vielmi składanyja vieršy — to pra horad, to niejkija nastaŭleńni moładzi. Čas ad času navat vychodziać zborniki jaho tvorčaści.
Uładzimir davoli časta źjaŭlajecca na videa svajoj dački, jakaja aktyŭna viadzie tyktok. Jana pieryjadyčna robić mini-intervju z tatam, kab toj raspavioŭ, naprykład, jak pry im u Połacku raźvivaŭsia futboł ci čamu ŭ raskładzie školnikaŭ horada raniej było połackaznaŭstva. Były kiraŭnik horada ažno ružavieje ad zachapleńnia, zhadvajučy byłyja časy.
Ale časam byvajuć i kramolnyja temy. Tydzień tamu dačka Uładzimira vyrašyła zhadać svajo dziacinstva, jak paśviła karoŭ — i ździviłasia tamu, što ciapier na vioscy karoŭ amal nichto nie trymaje.
— Ja z žacham pačuŭ navinu, što litaralna tydzień-dva tamu likvidavali kałhas imia Silnickaha, dzie pracavaŭ u svoj čas Hieroj Sacyjalistyčnaj Pracy Jaŭhien Ivanavič Kimstač. Kvitnieła haspadarka! — narakaje piensijanier.
Dačka jaho padtrymlivaje:
— Tak, ja pamiataju.
— Užo tam karoŭ nie zastałosia! Ujaŭlaješ? A statki jakija byli… Heta kolki małaka jany davali. Fiermy byli…
Telehram-kanał «Viciebsk, ja hulaju!» zaŭvažyŭ: toj kałhas znachodziŭsia ŭ vioscy Bliźnica — jaho pierajemnikam stała SUP «Bliźnica». Tamu chutčej za ŭsio były mer maje na ŭvazie mienavita «Bliźnicu», dzie apošnija hady adbyvajecca drama na dramie.
Niadaŭna suprać kiraŭnika «Bliźnicy» Paŭła Płaksu raspačali kryminalnuju spravu. Anałahičnaja historyja była ŭ dvuch jaho papiarednikaŭ.
«Salidarnaść» sprabavała razabracca ŭ tym, što ž staić za pafasnaj frazaj jabaciek: «Łukašenka zachavaŭ kałhasy!».
Vyjšła, jak i va ŭsich inšych vypadkach: za pryhožaj raściažkaj z namalovanaj krainaj dla žyćcia chavajecca pustka.
Branisłava Pilipienku, jaki ŭ 2017-m na fiestyvali «Bliźnica — Milkland» hanaryŭsia zvańniem «Małočny karol», asudzili za naličeńnie samomu sabie premij na fonie zapazyčanaściaŭ haspadarki za elektraenierhiju.
Nastupny kiraŭnik «Bliźnicy» Raman Chimiankoŭ praciahnuŭ słaŭnyja tradycyi: vypisvaŭ fiktyŭnyja premii, pradavaŭ majomaść haspadarki mima kasy… U sacsietkach pisali pra biesčałaviečnaje staŭleńnie da žyvioły: nibyta karovy i cialaty hinuli va ŭłasnych sparažnieńniach. U haspadarcy nie chapała karmoŭ, prastojvała technika. Ale ž na papiery ŭsio było dobra.
Jak 27-hadovaha Paŭła Płaksu ŭhavaryli zaniać rasstrelnuju pasadu i ci sapraŭdy małady mužčyna vieryŭ, što zmoža navieści paradak u Aŭhijevych stajniach — dakładna nieviadoma. Ale pratrymacca na pasadzie kiraŭnika da prychodu siłavikoŭ jon zmoh mienš za hod. Ciapier jaho abvinavačvajuć u słužbovaj chałatnaści: z pačatku hoda ŭ haspadarcy zahinuła 70 hałoŭ žyvioły. Pryčynaj hetaha siłaviki nazvali biezhaspadarčaść. Pa ich źviestkach, žyvioły ŭtrymlivalisia biez naležnaha dohladu, nie pravodziłasia vakcynacyja i prafiłaktyka.
Były ž mer Połacka skardzicca na toje, što sučasnyja ludzi advykli pracavać tak, jak pracavali raniej.
— Treba było ŭsio svajo: bulbačka svaja, miasa svajo, jajki svaje — i hetym hanarylisia. A zaraz — bresckaje, homielskaje ŭ Połacku. Heta za kolki kiłamietraŭ treba vieźci…
Aburajecca Uładzimir Tačyła i pracaj niekatorych pradpryjemstvaŭ:
— Siońnia ja jechaŭ z adnym čałaviekam i kažu: «Voś treba plonačku kupić, parničok nakryć». A jon kaža: «Voj, Ściapanavič. Viedaješ, plonki ž dobraj niama. Ja pracavaŭ u cechu na «Palimiry» i rabiŭ plonku». U hetuju stužku, kab jana była žoŭcieńkaj, dadavali niejkuju dreń, a zaraz — farbu. I stužka hetaja stajała 5 hadoŭ, a ciapier hod maksimum. Dyk jana jašče i nie «palimiraŭskaja». «Palimir» spyniŭ vypusk hetaj plonki.
Zhadvaje eks-čynoŭnik, jakimi byli kałhasy Połaččyny paru dziasiatkaŭ hadoŭ tamu. Staranna pieraličvaje, dzie trymali piascoŭ, dzie zajmalisia aviečkahadoŭlaj, a dzie źbirali miod tonami. I choć niedzie ziemli byli błahija, ale ž kiraŭniki viedali, što dzie racyjanalna rabić. Ciapier ad usiaho hetaha zastalisia tolki zybkija ŭspaminy piensijaniera.
— Dziaržava, viadoma, padtrymlivała haspadarki. I ciapier jana padtrymlivaje. Ale tady ž hetyja śfiery dziejnaści byli rentabielnymi!
Niejak sumna Tačyła adznačaje: treba było ludziej siała na rukach nasić.
— Ich pavažali, ale nie tak, jak treba. Treba, kab jany zarablali, žyli ŭ dobrych damach, kab byŭ haz praviedzieny ŭ pieršuju čarhu. Kab vodapravod u ich byŭ, a nie viodrami ludzi ciahali vadu. Kab na fiermie nie rukami za cycki karoŭ tuzali…
Zhadvaje Uładzimir, jak byŭ uražany, kali ŭ časy SSSR trapiŭ na fiermu ŭ Polščy. I pa siońnia pamiataje, nakolki tam usio było technałahična zroblena. Pry hetym Tačyła ličyć siabie patryjotam SSSR i kaža, što jaho kraina — ažno da Kurył. Jon maryć, što kaliści jana adnovicca:
— Niedzie parazumniejuć, niedzie papravim, — śmiajecca jon.
Kamientary