Pamočnika deputata ad «Alternatyvy dla Hiermanii» aryštavali pa padazreńni ŭ špijanažy na Kitaj
Hienieralnaja prakuratura Drezdena maje namier damahčysia źniaćcia imunitetu z deputata Bundestaha ad «Alternatyvy dla Hiermanii» Maksimilijana Kra. Jak paćvierdziŭ sam palityk u razmovie z vydańniem Bild, sprava źviazanaja ź jahonaj dziejnaściu da 2019 hoda, kali jon pracavaŭ jurystam i adnačasova byŭ deputatam Jeŭraparłamienta.
Maksimiljan Kra
Padstavaj dla rasśledavańnia stali pieravody hrošaj ad kitajska-hiermanskaha biznesmiena Cziań Ho, jaki paźniej staŭ pamočnikam Kra ŭ Jeŭraparłamiencie. Pavodle danych śledstva, Kra vystaŭlaŭ jamu rachunki za jurydyčnyja pasłuhi, a zatym naniaŭ jaho ŭ svoj ofis. Ciapier prakuratura praviaraje mahčymy karupcyjny składnik hetych płaciažoŭ.
Cziań Ho byŭ aryštavany ŭ krasaviku 2024 hoda pa padazreńni ŭ špijanažy na karyść kitajskaj raźviedki. Jamu stavicca ŭ vinu «dziejnaść u intaresach zamiežnaj śpiecsłužby», ciapier jon znachodzicca pad vartaj, najbližejšym časam pačniecca sud.
Maksimiljan Kra pierajšoŭ ź Jeŭraparłamienta ŭ Bundestah paśla vybaraŭ 23 lutaha 2025 hoda. Dla źniaćcia deputackaha imunitetu patrabujecca śpiecyjalnaje rašeńnie parłamienta.
Čytajcie taksama:
Va Ukrainie vykryli špijonskuju sietku, źviazanuju ź vienhierskaj raźviedkaj
Zahadka vadałaza, jakoha znajšli biez hałavy i ruk: špijonskaja historyja časoŭ Chałodnaj vajny