Izrailcianina, jaki skardziŭsia na toje, što biełaruskaja žonka jamu vielmi doraha abychodzicca, asudzili na 10 hadoŭ za špijanaž
Moci Mamana pasadzili za špijanaž.
29 krasavika akružny sud u Bieer-Ševie (Izrail) prysudziŭ da dziesiaci hadoŭ pazbaŭleńnia voli Moci Mamana, jakoha zatrymali ŭ śniežni minułaha hoda za suviaź z zamiežnym ahientam i ŭjezd na terytoryju varožaj krainy (Irana) biez dazvołu, piša Detaly.co.il.
U rašeńni suda skazana: «Kirujučysia finansavymi matyvami, jon ździejśniŭ złačynstvy, źviazanyja z praniknieńniem na terytoryju varožaj krainy i ŭstalavańniem kantaktu z zamiežnym ahientam. Jon atrymaŭ niekalki tysiač dalaraŭ ad iranskich aficeraŭ, vioŭ ź imi finansavyja pieramovy i zapatrabavaŭ miljon dołaraŭ. Pry hetym jon publikavaŭ u sacyjalnych sietkach pasty ŭ padtrymku «Likudu» i Nietańjahu».
Sud nadaŭ asablivuju ŭvahu tamu, što złačynstva było ździejśniena padčas vajny, u jakoj Iran źjaŭlajecca surjoznym voraham Izraila.
U toj ža čas było adznačana, što Maman udzielničaŭ u Pieršaj livanskaj vajnie i z 7 kastryčnika 2023 hoda zabiaśpiečvaŭ charčavańniem mnohija bazy.
72-hadovy Maman, žychar Aškiełona, pryznaŭ svaje dziejańni. Pavodle abvinavaŭčaha zaklučeńnia, Maman dvojčy ŭjazdžaŭ u Iran i sustrakaŭsia ź iranskimi ahientami. Padčas sustreč jany abmiarkoŭvali mahčymaść udziełu Mamana ŭ ździajśnieńni terarystyčnych aktaŭ na terytoryi Izraila z metaj naniasieńnia škody biaśpiecy dziaržavy.
Maman taksama pryznaŭ, što na sustrečach ź iranskimi ahientami abmiarkoŭvaŭ ź imi zamachi na zabojstva vysokapastaŭlenych izrailskich čynoŭnikaŭ, uklučajučy premjer-ministra Bińjamina Nietańjahu, byłoha ministra abarony Joava Hałanta, kiraŭnika raźviedki Roniena Bara, byłoha premjer-ministra Naftali Bieneta abo meraŭ, z vykarystańniem vybuchovaha prystasavańnia.
Akramia taho, Maman pryznaŭ namier stvaryć śpiecyjalnyja atrady zabojcaŭ u Rasii i ZŠA, jakija pavinny byli vykarystoŭvacca dla zabojstva praciŭnikaŭ iranskaha režymu.
Pavodle słoŭ advakata Mamana, pierad pieršaj sustrečaj ź iranskimi ahientami jaho padabaronny nie viedaŭ, u što jon uciahvajecca. A na druhuju sustreču jon pahadziŭsia ad strachu pierad tym, što ź im moža zdarycca, kali jon admovicca sustrecca.
«Niama nijakich sumnievaŭ u tym, što Maman dapuściŭ surjoznuju pamyłku ŭ acency, i tamu jon abvinavačvajecca ŭ kantakcie z zamiežnym ahientam i praniknieńni na terytoryju varožaj krainy biez dazvołu. U toj ža čas važna padkreślić, što Maman nie abvinavačvajecca ŭ dziaržaŭnaj zdradzie ci špijonstvie», — skazaŭ advakat.
Raniej Maman kazaŭ, što staŭ iranskim špijonam dziela darahoj va ŭtrymańni biełaruski, maładziejšaj za jaho na 36 hadoŭ. Pryčym Natalla Maman pryznałasia siłavikam, što viedała pra iranskija vajažy muža i niepakoiłasia z hetaj nahody.
Kamientary
Iran v ciełom projavił v tie hody riedkuju po tiem vriemienam otkrytosť i humannosť. Etot pieriod ostavił hłubokij śled v polsko-iranskich otnošienijach, załoživ osnovu dla vzaimnoho uvažienija mieždu narodami.
Takžie stoit otmietiť, čto v Iranie s drievnich vriemion proživajet odna iz krupniejšich jevriejskich diaspor Bližnieho Vostoka. Niesmotria na političieskuju napriažionnosť, v stranie po siej dień diejstvujet nieskolko sinahoh, a odin priedstavitiel jevriejskoj obŝiny nominalno zanimajet miesto v parłamientie (Miedžlisie) Irana, čto podčierkivajet oficialnoje priznanije iranskim hosudarstvom statusa nacionalnych mieńšinstv.
Takim obrazom, Iran, pierieživaja sobstviennyje trudnosti, v tiažielejšije hody mirovoj vojny stał ubiežiŝiem dla tysiač biežienciev, sochraniv v istorii primier vierotierpimosti i sostradanija.